FAKULDADE DIREITU ABERTURA EZAME PROPOSTA NO MONOGRAFIA

FAKULDADE DIREITU ABERTURA EZAME PROPOSTA NO MONOGRAFIA

Dili-Universidade da Paz (UNPAZ) liuhusi Fakuldade Direitu hala’o serimónia abertura ezame Proposta no Monografia ba dala-XVII Tinan Akadémiku 2024, iha Aula Fakuldade Direitu UNPAZ (22/05/24).

Vise Dekanu Asuntu Akadémiku Fakuldade Direitu, Sr. Julio Manuel, Lic, Dir.,M.Hum. ne’ebé reprezenta Dekanu Fakuldade Direitu, hodi loke abertura hateten Ezame proposta obra sientifiku ne’e, hanesan kultura ida ne’ebé iha Universidade tinan-tinan hala’o, maibe ba ita boot sira buat foun, maibe ida ne’e sai ona kultura iha Universidade da Paz, tanba atu iha antigus alun tenki iha finalista, maibe tenki liuhusi prossu ida, maka agora ita bo’ot sira hakat ona ba iha ezame.

"Dosente sira atu orienta ita boot sira, la’os dosente mak hakerek fali, tanba ne’e husu ba ita boot sira atu ativu, ho ida ne’e husu ba ita boot atu nafatin iha vontade no esforsu, nune’e bele finaliza lalais ita boot sira-nia obra sientífiku, tanba ne’e esforsu no vontade bele termina ita bo’ot sira-nia futuru",dehan Vise Dekanu Asuntu Akadémiku Fakuldade Direitu.

Iha Fatin Hanesan, Xefe Programa Estudu Siensia Direitu, Sr. Francisco Amaral da Silva, SH.,MH.QIA. agradese estrutura fakuldade bele prepara ona kondisõens minimu, hodi utiliza ba atividade sira ne’ebé mak ita planeia, ita sei la tarde banhira dosentes hotu-hotu no finalista sira, servisu hamutuk atu aselera prosesu ida ne’e la’o ba oin, hodi determina tuir tempu ne’ebé mak oportunu.

“Finalista sira tenki prepara imi nia mentalidade no brani ko’alia, nomós sira seluk akompaña, nune’e bele kaer hanesan referensia ida ba ita bo’ot sira, hoti hakat ba ezaem iha tempu tuir mai”,dehan Xefe Programa Estudu Siensia Direitu, Sr. Francisco.

Entretantu iha ezame ne’e, Reprezenta Dekanu Fakuldade Direitu hodi loke abertura ba ezame refere, Vise Dekanu Asuntu Akadémiku Fakuldade Direitu, Sr. Julio Manuel, Lic, Dir.,M.Hum. no akompaña husi Xefe Programa Estudu Siensia Direitu, Sr. Francisco Amaral da Silva, SH.,MH.QIA. nomós Dosente sira hotu husi Fakuldade Direitu inklui Estudante sira.