#UNPAZ# 09 OUTUBRU 2021
F. CSH WORKSHOP BA LORON IDA TINAN AKADÉMIKU 2021
Dili-Universidade da Paz (UNPAZ), liuhusi Fakuldade Siensia Sosiais e Humaniora,hala’o atividade workshop ba loron ida tinan akadémiku 2021, hodi Uniformaliza Pakote Disiplina no Obra Siéntifika, iha Aula CSH (09/10).
Dekanu Falukdade Siensia Sosiais e Humaniora, Dr. Fernando Dias Gusmão, S.IP.,M.AP. hateten objetivu husi workshop ida ne’e, ita atu halo diskusaun hamutuk lori Uniformaliza Pakote Disiplina no Obra Siéntifika, asuntu rua ne’e importante tebes ita haktuir ba akreditasaun ne’ebé foin dadauk ANAAA halo ba iha ita nia instituisaun, ba akreditasaun programatika Mestradu nian nomós Lisensiatura.
"Painel internasionál no nasionál apresia ho ita nia pakote ne’ebé prepara ba hanorin nian, sira hateten UNPAZ maka pioneru ba perpara pakote disiplina ida ne’ebé estruturadu", haktuir Dr. Fernando .
Nia hatutan, polítika ne’ebé universidade adopta katak, sira ne’ebé tuir ona formasaun, sira bele organiza hodi fahe esperiensia ne’e ba kolega sira ne’ebé seidauk hetan formasaun.
Partesipa iha workshop ne’e, Diretór Programa Mestradu, Pro Reiór Asuntu Akadémiku, Dekanu Falukdade Siensia Sosiais e Humaniora, Dr. Fernando Dias Gusmão, S.IP.,M.AP. ho Estrutura tomak.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
