![EXAME HAHU SEGUNDA TO](https://unpaz.tl/asset/foto_berita/1215.jpg)
EXAME HAHÚ SEGUNDA TO'O OHIN LA'O NORMAL
Dili-Universidade da Paz (UNPAZ) Nia Estudante Elviano Faustino da Silva Hugo, husi Departamentu Arkitetura semester III, hateten exame hahú segunda to'o agora exame la'o ho di'ak, esforsu komisaun Nian ho Dosente no Ekipa sira hotu nia kolaborasaun ne'ebé durante ne'e to'o ohin loron sexta feira la'o di'ak tebes.
"Ami orgullu tebes buat hotu-hotu la'o ho di'ak. E ba traballu ohin loron nian Dosente fó traballu mai ami kona-ba Maket e nomós halo relatoriu kona-ba halo uma lisan, entaun ida ne'e durante ami nia esforsu tomak, dala ruma ami hader to'o loron rua ka liu, maibé ida ne'e mak esforsu husi Dosente nomós ami estudante to'o iha momentu ida ne'e, ne'ebé ohin loron konsege traballu ne'e ami hatama ka entrega ba Dosente",dehan estudante Elviano, iha Kampus B UNPAZ Liquisa (09/06/23).
Nia hatutan, dosente fó oportunidade ba ami hodi hadia fila fali ba ami nia traballu ne'ebé ohin loron ami entrega iha loron domingu, ho ida ne'e ami kontenti tebes , tanba Dosente sei fó oportunidade mai ami hodi hadia di'ak liu tan. No ami sei iha traballu tuir mai tan, no liuhusi traballu sira ne'e, mak hodi ami bele aprende ka uza maneira oinsá hodi bele halo uma lisan.
Entretantu ekipa komisaun Organizadóra ba programa exame final, nafatin halo monitorizasaun iha Kampus sentrál nomós Kampus B Unpaz Liquisa.