ETUDANTE UNPAZ SAI PRIMEIRU LUGAR BA DEBATE HO TEMA GERAL\"OINSA REDUZ ISIN RUA SEDU HO MENORIDADE

ETUDANTE UNPAZ SAI PRIMEIRU LUGAR BA DEBATE HO TEMA GERAL"OINSA REDUZ ISIN RUA SEDU HO MENORIDADE

Dili-Universidade da Paz (UNPAZ) nia Estudante na'in tolu, Caetano da Cruz, Victor De Jesus Barros no Caetano Silveira, ne'ebé reprezenta UNPAZ, hodi partisipa debate ho tema geral "Oinsa Reduz Isin Rua Sedu Ho Menoridade" ho Mosaun ba debate hamutuk hitu, ne'ebé partisipa husi Universidade lima, UNTL,UNPAZ UNDIL, ISFIT No UCT. ne'ebé organiza husi Organizasaun PLAN Internasionál, iha Salaun Delta Nova (05-02-2024) foin lalais ne'e.

Iha debate ne'e, UNPAZ sai hanesan manán na'in ba primeiru lugar, UCT Segundu Lugar no UNTL Terseiru Lugar no Ohin estudante na'in tolu, lori rezultadu mai UNPAZ, hodi aprezenta ba Magnífiku Reitór Universidade da Paz, Dr Adolmando Soares Amaral, Lic. Eco.,MM. aumesmu tempu manán na'in sira mós entrega premiu ne'ebé sira simu ba Mag. Reitór. iha nia kna'ar fatin.

Mag. Reitór hato'o agradese no obrigadu wa'in, ba estudante sira ne'ebé manán iha kompetisaun debate ne'e, husi ida ne'e bele aijuda ona universidade, hodi hamorin naran Universidade da Paz iha públiku, UNPAZ ne'e, atu boot labele ema ida mesak, tenki ita hotu, UNPAZ atu naran morin iha Timor-Leste, tenki ita hotu-hotu nia responsabilidade, tanba ne'e husu nafatin ba ita boot sira, nafatin kapasita ita boot sira-nia an, UNPAZ sei odamatan nakloke ba imi ne'ebé iha kapasidade hodi aijuda universidade.