ESTUDANTE UNPAZ SAI PRIMEIRU LUGAR BA JOGU FESDATIL REITOR CUP DIT

#UNPAZ# 04 DEZEMBRU 2021

ESTUDANTE UNPAZ SAI PRIMEIRU LUGAR BA JOGU FESDATIL REITOR CUP DIT

Dili-Universidade da Paz (UNPAZ) liuhusi Diretór Extra Kurikuler hamutuk ho Estrutura tomak kompostu husi Senadu Universidade hala’o Serimonia entrega Taxa Federasaun Desportu Akadémiku Timor-Leste (FESDATIL) Reitor Cup DIT ne’ebé estudante UNPAZ sai primeru lugar iha jogu modalidades Reitor Cup DIT, iha Salaun Joé Kasimeiru (04/12).

Magnifiku Reitór, Dr. Adolmando Soares Amaral, Lic, Eco. MM. Hateten ita hotu akompanña relatoriu husi Diretór Extra Kurikuler buta ne’ebé sira aprezenta ita konsidera, para ita bele prepara kondisõen minimas liu-liu ba modalidades desportu sira.

Hanesan Reitór hakarak hato’o obrigadu ba estudante sira hotu no sira lubuk ida ne’ebé tur iha ne’e, ema ne’ebé hala’o hela atividade iha ne’e ema sira ne’e hotu mai atu fó kontribuisaun no atu habot instituisaun ida ne’e no atu lori universidadee ida ne’e ba iha sosiedade.

"Estudante hitu nulu resin haat (74), ne’ebé partesipa iha jogu modalidades ida ne’e, atu valoriza kontribuisaun ba iha universidade, Reitór promete Universidade sei fó livre propinas ba semester ida", dehan Reitór.

Diretór Extra Kurikuler, Sr. Quintiliano Barros, Lic. SP.,M.SP. reforsa ita iha atendementu ida ne’ebé mak ho fuan no laran ba UNPAZ, primeiru agradese ba jogadores sira hahú husi preparasaun inisiu to’o remata jogadores sira nafatin kondisõen saudavél ne’ebé di’ak, no lori rezultadu ne’ebé ba ita hotu iha UNPAZ mak ita hotu haree, parabens ba jogadores sira.

Estudante Timotio, ne’ebé reprezenta Jogadores, agradese ba universidade, la’os ita mai aprende de’it siénsia, maibe universidade fó ona pasu ba ita estudante sira atu tuir eventu iha desportu nian, agradese mós ba Diretór Extra Kurikuler.

"Ita labele husu ba universidade, maibe saida mak ita bele halo ba universidade", tenik Estudante Timotio.

Partisipa iha serimónia ne’e, Magnifiku Reitór, Dr. Adolmando Soares Amaral, Lic, Eco. MM. ho Estrutura tomak kompostu husi Pro Reitór sira, Dekanu Fakuldade Neen, Xefe Departamentu sira, Diretór/a Unidade sira, Dosente, Funsionariu, inklui Estudante sira hotu iha Universidade da Paz.