ESTUDANTE UNPAZ NA’IN 20 PARTISIPA SEMINARIU IHA KOMPAÑA HEINEKEN
Dili-Universidade da Paz (UNPAZ) nia estudante na’in ruanulu (20) partispa iha seminariu ne’ebé realiza husi Kompaña Heineken kona-ba Hemu Alkohol ho Responsabilidade, iha edifisiu Heineken (21/10).
Diretór Inovativo no Kreativu, Sr. Quintiliano F. Barros, Lic. SP.,M. SP. ne'ebé reprezenta Diretor Estrakurikuler, hateten ita Universidade da Paz, ita lori estudante sira mai partisipa iha seminariu ne’ebé organiza husi Kompaña Heineken, kona-ba konsumu alkohol ho responsabilidade.
“Seminariu ida ne’e, atu habelar informasaun kona-ba hemu alkohol ho responsabilidade, tanba ne’e mak ita lori estudante sira mai partisipa, atu sai hansan matadalan ba iha sosiedade ne’ebé konsumu alkohol, tenki konsumu ho responsabilidade’,dehan Nia.
Nia hatutan, informasaun seluk ne’ebé hetan husi Polisia tranzitu maka, bainhira konsumu alkohol labele utiliza transporte ba iha dalan públiku.
Entretantu, estudante husi UNPAZ kontinu kedas fahe stiker prevene kondutor sira konsumu alkohol bainhira utiliza trasporte.
Partisipa iha atividade refere, Diretór Inovativo no Kreativu, Sr. Quintiliano F. Barros, Lic. SP.,M. SP. ho ekipa, polísia tranzitu sira, estrutura husi Kompaña Heineken, nomós estudante sira husi, UNDIL, UNTL, IOB, DIT, UNPAZ.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
