ESTUDANTE UNPAZ MARSA BA SANTA KRUZ HODI KOMEMORA LORON 12 DE NOVEMBRU

ESTUDANTE UNPAZ MARSA BA SANTA KRUZ HODI KOMEMORA LORON 12 DE NOVEMBRU

Dili-Universidade da Paz (UNPAZ) nia Estudante sira marsa husi Kampus Sentrál ba Santa Kruz, liuhusi sunu lilin no halo orasaun/reflesaun hodi komemora loron Nasionál Juventude 12 de Novembru 1991 Masakre Santa Kruz, ba dala-32, ho tema Espiritu 12 de Novembru Promove Kreatividade No Pensamentu Kritiku Foinsa'e Hodi Harii Sosiedade Kontribuinte No Inkluzivu (12/11).

Estudante Efrem Mariz Pinto, hateten Loron ida ohin, ita halo komemorasaun 12 de Novembru ne'ebé mak akontese iha 1991, tanba ne'e ita hanoin katak loron ne'e ita bele atinji ona prinsipiu sira ne'ebé mak ita nia Juventude sira iha pasadu halo, maibé hanesan universitariu haree katak seidauk atinji, tanba ne'e mak ita eziji no halo reflesaun ida ba loron ohin, ita la'ós halo festeza de'it, halo orasaun no sunu lili de'it, maibé oinsá mak ita bele kontinua fila fali juventude hotu-hotu nia fespiritu nasionalismu no patriotismu ba rai ida ne'e no povu ida ne'e bele moris hakmatek.

"Hanesan estudante universitatiu, ami nia hanoin ba Juventude sira, atu organiza malu no halibur malu hodi kria Unidade, hodi kontribui ba estadu ida ne'e, liu-liu ba povu ida ne'e nia moris hakmatek no livre. Se Juventude sira Mak la kaer metin Juventude pasadu nian, patriotismu no nasionalismu, maka hakarak ka Lao koi, ita destroi luta eroi pasadu ninian, tanba ne'e ba Juventude sira nafatin kaer metin prinsipiu Juventude nian, hodi kria pas no estabikidade iha sosiedade no ita nia rai ida ne'e",dehan Efrem.

Nia husu ba estadu atu kria kondisaun sira ne'ebé bele garante ba Juventude no povu ida ne'e nia moris, nune'e ema hotu bele moris hakmatek, se governu la tau atensaun ba povu no Juventude nafatin iha sofrementu, ho ida ne'e ita eziji nafatin estadu no Juventude hotu-hotu ita nafatin fanun malu, nune'e ita nia espiritu ejiste fila fali hodi kontribui ba estadu no povu ida ne'e.