ESTUDANTE UNPAZ KUDA AI-OAN IHA MUNISIPIU MANATUTU POSTU LACLO
Dili-Universidade da Paz (UNPAZ) nia estudante sira husi Fakuldade Tekonologia Agrikola Departamentu Konservasaun Naturais, akompña husi Dosente nomós Senadu Jeral UNPAZ, hamutuk ho Autoridade Lokal sira no Komunidade sira, hodi kuda Ai-oan iha Munisipiu Manatutu Postu Laclo (19/02).
Reprezenta Autoridade Lokal, Sr. Guelermi Carces, sente kontente tanba ai-oan ne’ebé ita nia alin estudante sira lori mai atu kuda iha be’e matan lloko ne’e, sente furak tebes bele prevene be’e mós ba ami Postu Laclo.
“Husi ai-oan ne’ebé kuda bele fó mahon no be’e mós ba komudade iha Postu Laclo, agradese ba alin sira husi UNPAZ primeira ves bele mai kuda ai-oan iha be’e matan lloko”,dehan Nia.
Aliende ne’e, Senadu Jeral UNPAZ, Sr. Bernardinho Ximenes, hatutan kuda ai-oan ne’e inisiativa husi estudante husi Fakuldadee Teknologia Agrikola, maibe husi parte senadu universidade mós kopera ho estudante sira, ohin ita realiza kuda ai-oan iha fatin ne’e.
Partisipa iha atividade kuda ai-oan ne’e, Reprezenta Autoridade Lokal, Sr. Guelermi Carces. Ho Estrutura, Xefe Suku, Xefe Juventude, Komunidade, Dosente, inklui Estudante sira husi Universidade da Paz.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
