ESTUDANTE UNIVERSIDADE JAPAUN REKOLLA INFORMASAUN BA RISKU DEZASTRE NATURAIS IHA UNPAZ

ESTUDANTE UNIVERSIDADE JAPAUN REKOLLA INFORMASAUN BA RISKU DEZASTRE NATURAIS IHA UNPAZ

Dili-Universidade da Paz (UNPAZ) liuhusi estudante Mestradu husi Universidade Japaun, Mr. Kanji Nakamura, hamutuk ho Dr. Benjamim Hopfter Martins, nu’udar orientadór ba estudante refere, hodi rekolla informasaun kona-ba dezastre naturais ba iha estudante sira husi Fakuldade Enjeñaria UNPAZ, iha Aula Enjeñaria (28/09).

Iha atividade refere, Dr. Benjamim Hopfter Martins. hateten atividade ida ne’e hanesan realizasaun husi projetu kooperasaun husi universidade sira husi Japaun ne’ebé estudante mestradu husi Japaun, nia mai akarak estuda kona-ba ita nia persepsaun risku dezastre naturais iha ita nia rai laran.

Nia hatutan, liuhusi kooperasaun ne’e, ha’u sai hanesan orietadór ba iha estudu ida ne’e, hodi rekolla informasaun kona-ba dezastre naturais nian, tanba ne’e nia sei fokus prinsipal liu kona-ba estudante sira, hodi haree nivel persepsaun dezastre naturais ne’e.

Dadaun ne’e ami konsentra liu ba nivel ensinu superior sira, ne’ebé mak fakuldade enjeñaria UNTL, ida mak fakuldade enjeñaria UNPAZ nomós fakuldade edukasaun UNTL, ida fali mak eskola 4 de Setembru iha kaikoli, tanba konsidera hanesan jona de risku, ne’ebé ita hakarak alunus sira no profesor sira entede hotu no komprende kona-ba risku ida ne’e, dehan Dr. Benjamim

Entretantu dezamina informasaun refere, Dr. Benjamim Hopfter Martins. Mr. Kanji Nakamura, Estudante Mestradu husi Universidade Japaun, hetan partisipasaun husi, Dekanu Fakuldade Enjeñaria Sr. José Manuel Maniquin, Lic. Eng.,M. Eng. inklui Estudante sira.