ESTUDANTE SIRA HUSI FAKULDADE CSH HALO LIMPEZA IHA SIDADE DILI
Dili-Universidade da Paz (UNPAZ) estudante husi Fakuldade Siensia Sosiais Humana, husi departementu Estudu ba Paz, no Politika Dozenvolvimentu, halo limpeza tuir dalan iha sidade Dili, 23/02/24.
Responsavel Dosente, Sr. Marito de Araujo, L.CG.M.Dir hanesan dosente ne'ebe mak hanorin materia Lei ba Ambiente nian, objetivu ho ida ne'e mak ami organiza ita nia estudante sira atu bele halo limpeza hahu husi hudi laran tuir estrada bo'ot sei ba to'o iha aridores Suku Baropite nian, tanba ita ko'alia kona-ba ba sidade mós ne'e reaponsavel ita hotu nian, ho ida ne'e mak ohin ami organiza ita nia estudante semester III sira husi departamentu rua ne'e mai halo limpeza.
Iha sorin seluk ita mós mai hasoru direita ho Xefe do Suku Baropite nian ho kolabora ho ita para ita nia atividade ne'e bele la'o ho di'ak.
Partisipa iha atividade limpeza dosente inklui mós estudante semester III sira husi Fakuldade Siensia Sosiais e Humana.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
