ESTUDANTE SEMESTER 4-6 HUSI DEPARTAMENTU 2 KONSERVASAUN REKURSU NATURAIS NO TEKONOLOGIA PROSESAMENTU

#UNPAZ# 09 AGUSTU 2021

ESTUDANTE SEMESTER 4-6 HUSI DEPARTAMENTU 2 KONSERVASAUN REKURSU NATURAIS NO TEKONOLOGIA PROSESAMENTU AI-HAN ABERTURA BÁ ESTÁJIU PROFISIONÁL

Dili-Universidade da Paz (UNPA), liuhusi Fakuldade Teknologia Agrikola nia Departamentu Konservasaun Rekursu Naturais, Tekonologia Prosesamentu Ai-Han, abertura bá estájiu profisionál estudante semester 4-6 ne’ebé atu hala’o estájiu iha terenu, iha Salaun José Kasimeiru (09/08).

Magnifiku Reitór, Universidade da Paz,  Dr. Adolmando Soares Amaral, Lic, Eco. MM, hateten iha semana rua ita bo’ot kampus, no ba halo atividade iha komunidade nia le’et, hanesan estudante universitariu iha semester 4-6, ita bo’ot sira nafatin kumpri regras husi Ministeriu Saúde no Saúde Mundial nian, halo atividade uza maskra distansia sosial fase liman,para ita bele prevene no hadok ita nia a’an husi moras ida ne’e.

"Ita bo’ot sira bá halo atividade durante semana rua, koidadu malu haree malu para bá ho di’ak fila fali mai kampus mós ho di’ak, no lori rezultadu positivu hasa’e ita bo’ot sira nia koñesementu no kapasidade interna para garantia ita nia kualidade liuhusi polítika Universidade nian reforma no kualidade",dehan Reitór.

Dekanu Fakuldade Teknologia Agrikola, Sr.Joni dos Santos, Lic. Tec.Agr.,M.Agr. hatutan ita esforsu nafatin atu bele husik imi bá iha terenu hodi hala’o atividade pratika, enkoraja nafatin ita bo’ot sira oinsa lori imi nia a’an iha sosidedade nia le’et, imi ida-idak hatene ona imi nia a’an hala’o atividade ne’e ho konsiensia moral no hatudu imi nia etika profisionál iha sosiedade nia oin.

Partesipa iha abertura ne’e, Magnifiku Reitór, Universidade da Paz,  Dr. Adolmando Soares Amaral, Lic, Eco. MM, Dekanu Fakuldade Teknologia Agrikola, Sr.Joni dos Santos, Lic. Tec.Agr.,M.Agr. ho estrutua, inklui Estudante sira.