ESTUDANTE PRATIKA INSTITUISIONAL HUSI SSK RUA KIOMANTEKO NO BAQUI INSERA ATIVIDADE PRATIKA

ESTUDANTE PRATIKA INSTITUISIONAL HUSI SSK RUA KIOMANTEKO NO BAQUI INSERA ATIVIDADE PRATIKA

Oe-Cusse, Universidade da Paz (UNPAZ) Fakuldade Saúde Públika e Siensia Medikas. Ohin loron Quarta Feira, 05/02/2025 Estudante Prátika Instituisional ne'ebé durante fulan ida kompremeta ona síra-nia misaun no objetivu Prátika Instituisional nian iha SSK-Baqui no SSK-Kiumanteko, hala’o serimónia inseramentu atividade Prátika Instituisional durante fulan ida nian.

Xefe SSK-KIOMANTEKO Sra. Anita Maria da Cunha, Lic.SP. hato’o apresia ba estudante estájiadu sira bá Prátika Instituisional durante fulan ida nia laran apoiu tebes ami no ajuda ona ami iha parte balun ka atividade balun ne'ebé mak ladauk halo alin estudate estájiadu sira apoiu maximu.

“Agradese ba Estrutura Fakuldade Saúde Públika e Siensia Medikas ho nia departamentu sira hotu i ba mós Universidade da Paz ne'ebé aloka nia estudantes sira mai iha ami nia munisípiu liuliu ba iha SSK sira iha Oe-Cusse laran hodi bele ajuda ona ami, ba alin estudate sira primeira pájina foun ne'ebé imi aprende ona hodi eleva imi nia konesimentu, kapasidade, hodi aumetan no tranforma imi nia abilidade di'ak bá iha kampu de trabalho nian. Enkuantu enkoraja mós alin sira nafatin estuda-estuda-estuda hodi bele fila mai dezenvolve ita nia munisípiu rasik”,dehan Sra. Anita.

Iha fatin hanesan, Xefe SSK- Baqui Sra. Beatriz da C. C. Noronha, hato’ot mós agradese ba alin estudante estájiadu sira, tanba durante fulan ida sira ajuda servisu barak iha SSK-Baqui liu liu bá iha parte atendementu ba iha SISCA, Autreaks, no ba liu iha Mobile Clinik sira iha área rurais nomós ajuda halo promosaun ba iha eskola, apoiu pesoal saúde sira iha kria fatin Lixu, akompña mós Xefe hadia fatin ba Tratamentu nian iha suku. Tanba ne’e agradese bo’ot ba UNPAZ.