ESTUDANTE PAK GRUPU 7 HUSI FSPCM KONSTRUI HARIS FATIN IDA BA IDOZU NAIN IHA ALDEIA PADIAE SUCO LALISUK.
RAEOA Universidade da Paz (UNPAZ) estudante Pratika Aprendisajen Kampu grupu 7 husi Fakuldade Saude Publika e Ciensia Medicas konstrui haris ida ba idozu nain rua Avo Maria Elu, ho nia alin mane Avo Francisco iha Aldeia Padiae, Suco Lalisuk, Sub Rejiaun Pante Makasar, 11/04/24.
Hato'o husi Xefe Aldeia Sr. Gaspar Naheten hau hanesan Xefe Aldeia Padiae, atu hato'o deit obrigadu ba alin estudante sira husi UNPAZ katak buat hirak ne'ebe halo husi estudante sira ba hau nia komunidade sira Iha Aldeia Padiae, liu-liu haris fatin ne'ebe mak sira konstrui ba Idozu nain rua.
Hau hanesan autoridade hato'o agradese wain, wituan ka barak tamba osan ne'ebe mak ita bo'ot sira uja ne'e mai husi inan ho aman sira nia investimentu liu-husi ida ne'e mak hau lori idozu nain rua nia naran hato'o obrigadu ba estudante sira.
Hato'o husi Idoza Maria Neno katak hau ho hau nia kaben hato'o agradese ba oan estudante sira ne'ebe mai husi rai bo'ot bele ajuda hela ami nia haris fatin ida ne'e maske sira laos Governu.
Iha sorin seluk hateten husi Xefe grupu 7 Albina Ferreira, katak ba atividade konstrusaun ne'e mai husi ami estudante grupu 7 nia inisiativa rasik, tamba ami mai halo sosializaun mak ami identifika katak ida ne'e ita persija halo tmba hare ba Idozu nain rua nia idede ne'ebe ke avansadu tebes, dehan estudante Albina.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
