ESTUDANTE PAK GRUPU 2 HUSI FSPEeCM APREZENTA SIRA NIA RELATORIU PAK II NO III NIAN BA KOMUNIDADE SIR

ESTUDANTE PAK GRUPU 2 HUSI FSPEeCM APREZENTA SIRA NIA RELATORIU PAK II NO III NIAN BA KOMUNIDADE SIRA IHA ALDEIA SANANE SUCO COSTA

RAEOA Universidade da Paz (UNPAZ) nia estudante pratika aprendisajen kampu grupu 2 Fakuldade Saude Publika e Ciensia Medicas aprezenta sira nia relatoriu final ba komunidade sira iha Aldeia Sanane Suco Costa, 06/06/24, horseik.

Xefe Suco Costa, Sr. Francisco Colo, koalia ho mata wen ba nia alin estudante pak iha Sede Suco Costa, katak bain rua imi fila ba rai bo'ot karik keta haluha Oe-cusse, e liu-liu Suco Costa, Aldeia Sanane, hau lori hau nia komunidade sira naran hato'o obrigadu barak ba alin estudante sira, tamba durante ne'e imi ajuda ami liu-husi atividade oi-oin ne'ebe mak iha Aldeia no Suco Costa nian, dehan Xefe Suco Costa.

Iha atividade aprezentasaun relatoriu final ne'e, no kontinua kedan ho han kalan hamutuk ho komunidade sira iha Aldeia Sanane, estudante barak mak ho mata wen ba komunidade sira, tamba durante fulan ha'at nia laran, komunidade sira sai Inan no Aman ba sira, lia menon ba estudante sira katak bain rua imi komprementa ba famila sira hotu, no ita mak dok malu mais liu husi telfone ita sei bele koalia ba malu.

Iha atividade aprezentasaun ne'e, hetan partisipa mos Dekanu FSPeCM Sr. Cipriano do Rosario Pacheco, AMG., Lic. SP.M.Kes. Xefe Suco Costa, Xefe Aldeia Sanane, PNTL Eskuadra Palaban, komunidade sira, dosente orientador sira, inklui mos estudante sira hotu.