ESTUDANTE PAK GRUPU 1 FSPeCM APREZENTA RELATORIU PAK II NO III BA KOMUNIDADE SIRA IHA ALDEIA MAQUELA

ESTUDANTE PAK GRUPU 1 FSPeCM APREZENTA RELATORIU PAK II NO III BA KOMUNIDADE SIRA IHA ALDEIA MAQUELAB, SUCO TAIBOCO

RAEOA Universidade da Paz (UNPAZ) nia estudante pratika aprendisajen kampu grupu 1, husi Fakuldade Saude Publika e Ciensia Medicas aprezenta sira nia relatoriu final ba komunidade sira iha Aldeia Maquelab, 06/06/24, horseik.

Xefe Suco Taiboco, Sr. Mateus Naz, hatete katak, hau orguilo tebs ho alin estudante sira husi UNPAZ nia prezensa iha hau Suco laran, maske iha Aldeia Maquelab, maibe hau atu dehan deit katak liu-husi alin sira nia aprezentasaun ida ne'e mak hau foin hatene los frekuensia kona-ba problema saude nian iha hau nia komunidade sira, liu-liu iha area saude nian.

Parte segundu nian, hau husu ba alin estudante sira atu bele kopia hela dadus hirak ne'e ba ami para ami bele utiliza dadus hirak ne'e sai hanesan referensia ida mai ami parte autoridada sira.

Iha sorin seluk hato'o husi Dekanu Fakudade Saude Publika e Ciensia Medicas, Sr. Cipriano do Rosario Pacheco, AMG. Lic., SP. M. Kes, katak hau hanesan dekanu, e hanesan mos dosente orientador ba grupu ida ne'e, atu hato'o hela obrigadu barak ba parte hotu iha ita nia serbisu hamutuk, hodi koidadu hela ami estudante sira durante fulan ha'at nia laran.

Ohin kalan ne'e ita hamutuk iha fatin ida ne'e, realiza atividade aprezentasaun relatoriu final, aumesmu tempu ita han kalan hamutuk hodi despedida molok alin sira atu fila fali ba Dili hodi kontinua sira nia estudu, atu dehan deit katak Oe-cusse ne'e espesial duni tamba bainhira ita atu mai Oe-cusse, bele liu-husi tasi, bele mos liu-husi loron leten, inklui mos liu-husi rai maran.

Maibe Oe-cusse mos keta haluha Munisipiu 12 mos importante hotu tamba sira mai iha para hodi konta fali Oe-cusse nia diak ba sira nia familia, bainrua estudante sira fila ho saudades, apa ho ama sira mos hela ho saudades tamba iha fulan ha'at nia laran ita toman malu tia ona, dehan dekanu.

Iha atividade ne'e dekanu FSPeCM intrga haris fatin ida ba sarani kapela Santa Maria Madalena Maquelab hodi utiliza.

Partisipa iha atividade ne'e dekanu FSPeCM, Xefe Suco Taiboco, Xefe Aldeia Maquelab, OPS Suco, katakista kapela Santa Maria Madalena Maquelab, komunidade sira, inklui mos estudante sira hotu.