ESTUDANTE NAIN 8 EXAME IKUS BA APREZENTA PROJEITU FINAL

#UNPAZ# 25 NOVEMBRU 2021

ESTUDANTE NA’IN 8 EXAME IKUS BA APREZENTA PROJEITU FINAL

Dili-Universidade da Paz (UNPAZ) nia Estudante Na’in Ualu (8), husi Fakuldade Enjeñaria nia Departamentu Industria hala’o Exame Ikus hodi Aprezenta projeitu Final, iha Aula Enjeñaria (25/11).

Magnifiku Reitór Universidade da Paz, Dr. Adolmando Soares Amaral, Lic, Eco. MM. hateten bai-bain ne’e estudante ida atu termina nia estudu iha universidade hodi partisipa Judisium no Graduasaun, sira tenki ba halo peskiza tuir proposta ne’ebé sira aprezenta, depois hetan apresiasaun husi examinador sira hodi fó tempu ba sira peskiza.

Rejultadu ne’ebé ohin sira denunsia ne’e, ita nia estudante iha UNPAZ ne’e sira iha Vizaun ona, sira la’os mai para atu hetan de’it de’it diploma Lisensiatura, maibe sira iha Vizasaun ona depois sira termina sira nia estudu, saida mak sira halo atu fó kontribuisaun ba povu no rai ida ne’e.

"Rezultadu peskiza ohin hatudu sira iha vizasaun no komesa organiza a’an ona, bele halo ona makina para atu halo produsaun kafe musan sai kafe ut, ne’e ha’u hanoin buat positivu ba ami iha universidade, agradese ba sira na’in hira ne’ebé konsege halo inovasaun depois sira kombina sira nia siénsia ne’ebé durante ne’e sira aprende ho metodologia ne’ebé sira hetan pois sira pratika, ohin sira demostra rezultadu husi prosesu sira ne’e hotu", dehan Reitór.

Nia hatutan, Hanesan Reitór hato’o parabens ba estudante finalista na’in hira ne’e, apresia lo’os ho sira nia vizaun iha katak, ita la forti de’it iha siénsia, maibe agora ita forti mós iha pratika, winhira ita forti iha pratika ita komesa aijuda ona governu no estadu para hamenus problema balu.

Xefe Departamentu Indústria Indústria, Sr. Jeronimo da Silva, Lic Eng.,M. Eng, hateten exame ida ohin ne’e atu promove ba iha inovasaun ne’ebé ita nia estudante sira halo, sira nia rejultadu ne’ebé mak ita haree rasik katak, rejultadun ida ne’e refere liu ba iha kombinasaun materia, maibe la hases a’an husi konsentrasaun ne’ebé existe iha Departamentu Indústria.

"Konsentrasaun ne’e halai liu ba iha prosesu produsaun, depois ba iha jestaun no ba iha ekonomia nomós logistika, konsentrasaun ida ne’e mak durante ne’e la’o, bainhira estudante ida finaliza sira nia estudu ka titulu, halai liu ba konsentrasaun ida ne’ebé, halai ba iha ekonomia ka Jestaun", haktuir Sr. Jeronimo.

Departamentu Industria nia espesifiku iha oin rua, ida halai liu ba iha Sistema Produsaun, no ida seluk Komersializasaun, ida ne’e mak ita aplika ba iha s