ESTUDANTE NAIN 6 HUSI ETI ENSERA ESTAJIU IHA IT NO MEDIA CENTER UNPAZ

ESTUDANTE NA’IN 6 HUSI ETI ENSERA ESTÁJIU IHA IT NO MEDIA CENTER UNPAZ

Dili-10 Marsu 2025 Universidade da Paz (UNPAZ) hala’o serimónia enseramentu programa estájiu durante fulan tolu ne’ebé hala’o husi estudante Escola Tecnica Informatica ETI-DILI na’in neen (6) iha IT no UNPAZ Media Center.

Iha enseramentu ne’e, Professor orientadór Escola Tecnica Informatica ETI-Januario Sebastião Freitas, hato’o obrigadu wa’in ba UNPAZ liu-liu iha IT no UNPAZ Media Center, ne’ebé durante simu estudante sira hodi hala’o programa estájiu diurante fulan tolu, hodi kompleta sira-nia prosesu estudu iha ensinu sekundariu nian.

“Husi esperiensia ne’ebé sira hetan, espera katak sira sei aplika iha futuru, bazeia ba esperiensia ne’ebé sira hetan husi fatin ida ne’e, tanba nasaun ne’e atu sai di’ak presiza ita hotu nia kontribuisaun”,dehan orientadór Januario

Iha fatin hanesan, Diretor IT, Manuel Soares Pacheco, ST.,MT. enkoraja estudante estajiu sira atu apriende barak, tanba imi foin mak hakat pasu ida ba oin, ho ida ne’e husu ba ita bo’ot sira nafatin esforsu an no halo jestaun ba tempu atu estuda maka’as, tanba futuru nasaun ne’e nian iha ita bo’ot sira-nia tempu.

Aliende ne’e, reprezenta estájiadu/a Noelia Soares, hato’o agrdese no obrigadu wa’in ba UNPAZ liuliu ba iha IT no Media Center UNPAZ, ne’ebé durante ne’e simu ami hodi hala’o atividade estájiu durante fulan tolu nia laran akompaña ami to’o iha momentu ida ne’e.

“Agrdba fiar tomak entre ETI ho UNPAZ Média Cente ho IT ne’ebé kolabora di’ak tebes, hodi fasilita ami iha prosesu estájiu ida ne’e la’o di’ak tebes hahu inisiu to’o remata”,tenik estudante estájiada.

Entretantu iha serimónia enseramentu programa estájiu ne’e, partisipa husi Professor orientadór Escola Tecnica Informatica ETI-DILI, Januariu Sebastião Freitas, , Diretor IT, Manuel Soares Pacheco, ST.,MT. ho funsionariu IT no Média Center inklui estudante etájiadu/a sira.