ESTUDANTE NAIN 5 HUSI FAKULDADE ENJENARIA DEPARTAMENTU INDUSTRIA SEI KONTINUA ESTUDU IHA BRAWIJAYA

ESTUDANTE NA’IN 5 HUSI FAKULDADE ENJEÑARIA DEPARTAMENTU INDÚSTRIA SEI KONTINUA ESTUDU IHA BRAWIJAYA

Dili-Universidade da Paz (UNPAZ) liuhusi Fakuldade Enjeñaria Departamentu Indústria realiza exame teste ba estudante na’in ualu ( ne’ebé atu kontinua estudu iha Universitas Brawijaya-Indonesia durante fulan neen ba iha semester ida nian, iha aula Fakuldade Enjeñaria (23/05)horseik.

Xefe Departamentu Indústria, Sr. Jeronimo da Silva, Lic. Eng.,M.Eng, hateten Liuhui bolsu estudu ne’ebé mak Universidade Brawijaya fó liu-liu fakuldade enjeñaria departamentu indústria, tanba durante ne’e kooperasaun entre fakuldade enjeñara Brawijaya ho fakuldade enjeñara UNPAZ, iha inisiu hahú ho palestra públiku, depois de ida ne’e mak sira kontinua oferese tán bolsu estudu ba estudante sira liu-liu iha departamentu indústria.

“Ami rekolla volume estudante hamutuk na’in 10, maibe horseik konsege na’in 8 mak partisipa iha teste no na’in 5 mak passa iha teste, tanba ne’e, naran ne’ebé passa iha ezame, ohin tenki manda ona ba iha universitas Brawijaya, nune’e sira bele prepara kondisaun ba iha bolseiru sira”,dehan Xefe Departamentu Indústria Sr. Jeronimo, iha nia Kna’ar fatin.

Nia esplika, husi bolsu estudu ne’e, tuir demanda ba ema na’in lima mak sei kontinua estudu iha Universitas Brawijaya, durante fulan neen ba iha semester ida nian, husi semester 3 ba 4.

Sira husu bolseiru na’in 5 iha tinan ida ne’e, maibe ha’u fiar katak, ba oin ita nia kooperasaun sei la’o nafatin, la’os ba estudante de’it, maibe ba mós dosente sira, Nia Subliña.

Entretantu iha teste ezame ne’e, estudante hamutuk na’in 8, maibe passa iha teste exame hamutuk na’in 5, mak hanesan 1. Monica da Cruz. 2. Ruben da Costa. 3. Carel Pereira. 4. Françisco Charles. 5. Americo Tomas. Tuir informasaun estudante sira sei desloka iha Fulan Agustu tinan ne’e.