ESTUDANTE NA\'IN 448 HUSI FSPeCM TO\'O ONA IHA POSTU ADMINISTRATIVU MAUBESI

ESTUDANTE NA'IN 448 HUSI FSPeCM TO'O ONA IHA POSTU ADMINISTRATIVU MAUBESI

Dili-Univeraidade da Paz (UNPAZ) liuhusi Fakuldade Saúde Públika e Ciensia Medica (FSPeCM) nia estudante ho totál atus haat, haat nulu resin ualu (448) ne'ebé kompostu estudante husi departamentu neen, to'o ona iha Postu Administrativu Maubesi Munisípiu Ainaro, simu direta estudante sira husi Xefe Suku Maubesi Vila ho Xefe Aldeia sira (01/08).

Xefe Suku Maubesi Vila, Sr. Wilson Nivio Lobato Mendonsa, hateten ohin iha Suku Maubesi Vila Postu Administrativu Maubesi, Aldeia 12 simu hikas estudante husi UNPAZ-FSPeCM ho totál (448) mai kontinua estudu prátika ba etapa segundu no terseiru nian durante fulan ida resin iha maubesi. Husu ba estudante sira nafatin koidadu saúde, tanba husi fatin ida ba fatin ida sempre diferente klima, nune'e bele halo estudu prátika ho di'ak nomós peskiza ba iha komunidade sira ho di'ak.

Estudanre sira mós tenki, hapar ambiente durante hela iha komunidade nia leet, nune'e bele aprende buat foun ruma husi ida nomós hala'o estudu no peskiza ho di'ak, atu bele hetan buat foun ruma no fó solusaun ba iha komunidsde, tanba ita presiza rekursu humanu ida ne'ebé mais sufisiente hodi dezenvolve ita nia komunidade sira atu bele kuida sira-nia saúde, maske iha fulan ida ho balu, maibé sira sei aprende buat lubuk ida nomós sei hetan buat foun lubuk ida iha fatin ida ne'e, nune'e bele kompleta estudu iha futuru, tanba ne'e ha'u fiar estudante sira-nia prejensa la'ós mai pasiar, maibé mai komunidade nia leet hodi aprende no fó solusaun ba buat ruma iha futuru”,dehan Xefe Suku.

Xefe suku sente kontente no agradese ba estudante sira-nia prezénsa iha Maubesi, hodi hala'o sira nia estudu, para aban bairua hodi dezenvolve, tanba ne'e husi sira-nia prezénsa mós bele fó kontribuisaun ba iha komunidade iha aldeia no suku ida ne'e, tanba ne'e ami prontu tau matan ba sira durante sira-nia atividade iha ne'e, ho ida ne'e suku Maubesi nia kooperasaun ho UNPAZ nafatin metin iha futuru.

Entretantu iha deslokasaun estudante sira ne'e, akompaña husi dosente orientadór sira kada grupu, to’o iha Postu Administrativu Maubesi ho di’ak, simu direta husi Xefe Suku Maubesi Vila ho Xefe Aldeia sira, hafoin desloka estudante ba iha Aldeia sanulu resin rua (12) iha Maubesi Vila.