ESTUDANTE NAIN 3 HUSI FCSH PARTISIPA IHA TESTE INGLES HODI TUIR PROGRAMA JENESYS ASEAN IHA JAPAUN

ESTUDANTE NA’IN 3 HUSI FCSH PARTISIPA IHA TESTE INGLES HODI TUIR PROGRAMA JENESYS ASEAN IHA JAPAUN

Dili-Universidade da Paz (UNPAZ) nia estudante na’in tolu (3) husi Fakuldade Ciensia Sosiais Humana, Departamentu Relasaun Inteternasional , partisipa iha teste Lian Ingles ne’ebé fasilita husi Vise Reitor Asuntu Koperasaun Interna&Externa, Sr. Luis Pereira Cardoso, Dip.Cs.,Lic. CSH.,MA.,Mcs. ho nia funsionariu sira, objetivu husi teste ida ne’e atu hatene kona-ba estudante sira-nia koñesimentu kona-ba lian Ingles, nune’e estudante sira bele ba tuir Programa ida naran JENESYS ASEAN, ne’ebé promove husi Ministeriu Negosiu Estrangeiru Japaun nian, iha Vise Nia Kna’ar fatin (13/10).

Vise Reitor Asuntu Koperasaun Interna&Externa, Sr. Luis Pereira Cardoso, Dip.Cs.,Lic. CSH.,MA.,Mcs., esplika ita iha programa ida ne’ebé ita halo kooperasaun ho Embaixada Japaun nian, kona-ba programa ida naran JENESYS ASEAN, programa ida ne’e promove husi Ministeriu Negosiu Estrangeiru Japaun nian, programa ida ne’e nu’udar servisu hamutuk Japaun Internasional Coperation Center, ne’ebé presiza ita nia estudante na’in rua ne’ebé iha dezembru sei tuir pertukaran mahasisua. Tanba ne’e mak ohin ne’e ita halo selesaun ba estudante na’in tolu husi departamentu relasaun internasional.

“Husi selesaun ne’e ita atu haree ba sira ne’ebé mak iha kapasidade no koñesimentu kona-ba Ingles di’ak, ita la halo deskriminasaun ba estudante sira, maibé ba to’o ne’eba sei hamutuk ho estudante no juventude sira husi nasaun seluk nian durante semana rua, hahu husi 10 dezembru to’o 20 dezembru. Ohin ne’e ita halo teste ba sira, depois de teste ne’e ha’u ho staff sira iha ne’e halo desizaun se mak bele duni atu propoin ba tuir programa JENESYS ASEAN. Tanba ne’e iha rezultadu teste hatudu iha estudante na’in maka pasa feto ida no mane ida mak sei ba tuir programa ne’e iha Japaun. Programa ne’e importante lo’os, nune’e ita nia estudante sira mós bele iha esperiensia di’ak, hodi promove Universidade da Paz iha Japaun liuhusi atividade ne’ebé amk sira halo ho estudante no juventude sira seluk liu-liu juventude sira Japaun nian”,dehan Nia.