ESTUDANTE NAIN 2 HUSI DEPARTAMENTU INDUSTRIA FAKULDADE ENJENARIA UNPAZ, ABAN SEI DESLOKA BA UNIVERSI

ESTUDANTE NA'IN 2 HUSI DEPARTAMENTU INDÚSTRIA FAKULDADE ENJEÑARIA UNPAZ, ABAN SEI DESLOKA BA UNIVERSIDADE BRAWIJAYA MALANG INDONESIA

Dili-Univeraidade da Paz (UNPAZ) Fakuldade Enjeñaria liuhusi Departamentu Enjeñaria Indústria hala'o serimónia despedida ba estudante na'in rua, ne'ebé sei desloka aban ba iha Universitas Brawijaya Malang Indonesia, hodi hala'o estudu durante semestre ida, iha Aula multifunsaun Fakuldade Enjeñaria Unpaz Dili (11/08).

Dekanu Fakuldade Enjeñaria, Sr. José Manuel Maniquin, AP., Lic.Eng., M.Eng. Hateten Programa ida ne’e realiza tanba iha ona kooperasaun entre Fakuldade Enjeñaria Universidade da Paz hó Fakuldade Teknika Universidade Brawijaya Malang Indonésia.

Iha fulan hirak liu bá programa ida parte rua realiza ona mak aula online (hybrid) kona-bá formasaun laboratóriu hó durasaun loron sanulu. Ohin ita kontinua haruka estudante nain 2 bá iha Universidade Brawijaya Malang Indonésia liu-liu iha Departamentu Enjeñaria Indústria hó objetivu katak estudante na’in rua bele aumenta sira nia kuiñesimentu no abilidade iha área indústria. Antes estudante sira atu desloka ba iha Universidade Brawijaya badahuluk Departamentu Enjeñaria halo selesaun nune’e bele hatene sira nia abilidade iha lingua ingles no bahasa indonésia, dehan Dekanu Maniquin.

Sr. Dekanu Maniquin husu ba estudante nain rua atu aproveita didiak tempu hodi aprende tantu téoria no prátika, hatudu komportamentu diak tanba imi nain 2 sai matadalan ba estudante sira seluk iha etapa tuir mai, alen de ne’e imi mós reprezenta Aman-Inan, Fakuldade Enjeñaria no Universidade da Paz nia naran. Deslokasaun ne’e sei akompaña husi Xefí Departamentu Enjeñaria Indústria Sr. Jeronimo da Silva, Lic.Eng.,M.Eng.

Iha fatin hanesan Xefí Departamentu Enjeñaria Indústria, Sr. Jeronimo da Silva, Lic.Eng., M.Eng. hateten katak, estudante na'in rua sei hala'o estudu durante fulan ne’en nian laran no se remata estudu iha inisiu tinan 2024.

Estudante Asternito Malira Pidai Pinto, salienta katak ami na'in rua estudante ativu iha enjeñaria industria, ami senti orgullu no kontenti tebes bainhira rona dehan husi departamentu delega ami na'in rua atu bele ba estuda iha Universidade Brawijay liu programa Students Mobiliy (students exchange)."tenik Estudante Asternito.