ESTUDANTE MESTRADU AP APREZENTA REZULTADU PESKIZA PRATIKA IHA INSTITUISAUN ESTADU

ESTUDANTE MESTRADU AP APREZENTA REZULTADU PESKIZA PRATIKA IHA INSTITUISAUN ESTADU

Dili-Universidade da Paz (UNPAZ) liuhusi estudante programa mestradu administrasaun públika, organiza seminariu akadémiku, hodi aprezenta Rezultadu Peskiza Prátika Mal-Administrasun iha Timor-Leste, ne’ebé hala’o estudu kazu iha instituisaun Estadu hanesan, CAC, PDHJ no IGE, iha Salaun José Kasimiru (19/10/24).

Vise Reitór Asuntu Programa Mestradu no Doutoramentu, Dr. Martinus Nahak Lino, AMKL, Lic. SP.,MAP.,M.SP. ne’ebé reprezenta magníku reitór hateten, ohin estrudante husi programa mestradu administrasaun públika, aprezenta sira-nia rezultadu peskiza iha instituisaun tolu ne’ebé imporrtante iha instituisaun estadu CAC, PDHJ no IGE.

“Husi parte akadémiuku nia haree katak, instituisaun tolu ne’e importante tebes, oinsa ita bele dezenvolve ita nia rain ho di’ak transparansia no akuntabilidade iha prosesu administrasaun públika atu bele garante ba povu nia moris di’ak, tanba ne’e atu hametin instituisaun governu iha Timor-Leste, tenki fihir uluk ba kontestu husi orgaun tolu ne’ebé determina ba atendementu públiku Timor-Leste”,dehan Vise.

Agradese no obrigadu ba instituisaun tolu ne’ebé simu ami nia estudante sira hodi halo peskiza iha ita bo’ot sira-nia fatin, ida ne’e hatudu katak sinal di’ak ba estudante sira katak, institusiaun tolu ne’e odamatan nakloke hodi simu estudante sira atu hatene di’ak ita nia kontestu mal-administrasaun iha Timor-Leste la’o oinsa no to’o iha ne’ebé ona.

“Orgullu ba estudante mestradu administrasaun públika, ita tenki hahu agora la’os iha aula de’it hodi apriende teoria, maibe oinsa atu halo peskiza, tanba nivel ida mestradu no doutoramentu, nu’udar nivel peskizadór, tanba ida ne’e mak abilidade no kapasidade intelektual iha área peskiza presiza hahu husi agora, espera husi arezentasaun bele fó rezultadu di’ak”,tenik.

Nia afirma, rezultadu akadémiku ida ne’e, bazeia ba analiza metodolojia ne’ebé sira utiliza, hodi bele fihir no fó sai saida mak di’ak no saida mak seidauk di’ak, ita bele haree no rona atu bele hadia iha futuru ba iha prosesu administrasaun públiku iha instituisaun governu nian.

Entretantu iha atividade seminariu akadémiku ba aprezentasaun Rezultadu Peskiza ne’e, partisipa husi Vise Reitór Asuntu Programa Mestradu no Doutoramentu, Dr. Martinus Nahak Lino, AMKL, Lic. SP.,MAP.,M.SP. ho Estrutura Universidade, Comisario CAC, Sr. Rui dos Santos. Inspektor IGE, Sr. Fransisco de Carvalho. inklui Estudnate Programa Mestradu Administrasaun Públika nomós Lisensiatura sira.