ESTUDANTE HUSI FSPeCM KONTINUA HALO SOSIALIZASAUN IHA ESG 5 DE MAIO BECORA

ESTUDANTE HUSI FSPeCM KONTINUA HALO SOSIALIZASAUN IHA ESG 5 DE MAIO BECORA

Dili-01 de Outunru 2024 Universidade da Paz (UNPAZ) liuhusi Fakuldade Saúde Públika e Siensia Medica Nia Estutnate husi departamentu Biostatistika Sistema Informasaun Saúde no Siensia Ambiental, kontinua halo Sosializasaun ba iha Escola Secundariu Geral 5 de Maio Becora.

Objetivu husi atividade sosializasaun ida ne’e, oinsa atu fahe informasaun ba Estudante finalista sira kona-ba Misaun, Vizaun, Objetivu Edukasaun no Programa akadémiku sira iha Departamentu refere. Husi Atividade sosializasaun ida ne’e mós bele ajuda estudante finalista sira hodi bele kompriende didi’ak molok foti desizaun hodi kontinua iha Universidade da Paz liuliu iha FSPeCM.

“Diretor da Escola 5 de Maio Becora, Sr. Casimiro Dias Marques, agradese ba estudante sira ne’ebé mai fahe ona informasaun kona-ba lala’o universidade nian mai iha estudanta finalize sira, atu sira bele iha koñesimentu naton molok sira hakat ba iha universidade.

Ho informasaun sira ne’e hotu importante tebes ba estudante sira, oinsa mak sira bele iha koñesimentu naton ba iha programa estudu sira molok sira atu foti desizaun ruma atu asesu ba iha universidade, tanba ne’e agradese ba estudante sira husi UNPAZ ne’ebé mai partilla ona informasaun ba estudante sira”,dehan Diretor.