ESTUDANTE HUSI FAKULDADE CSH HALAO ATIVIDADE SEMINARIU

#UNPAZ# 28 OUTUBRU 2021

ESTUDANTE HUSI FAKULDADE CSH HALA’O ATIVIDADE SEMINARIU

Dili-Universidade da Paz (UNPAZ), liuhusi Fakuldade Ciénsia Sosiais e Humaniora nia Departamentu Relasaun Internasional, hala’o atividade Seminariu ho tema "Impaktu Pandemia Covid-19 ba Adezaun Timor-Leste ba Asean" iha Salaun José Kasimeiru UNPAZ (28/10).

Pro- Reitór Asuntu Koperasaun Externa no Interna Sr. Luis Pereira Cardoso, Dip. Cs.,Lic. CSH.,MA.,Mcs, hateten, Seminariu ida ne’e importante tebes liu-liu ba estudante sira ne’ebé estuda iha relasaun internasional.

"Espera ho seminariu ne’e bele fó ona informasaun balun bele responde ba ita nia duvidas balun ne’ebé públiku iha kona-ba adezaun Timor-Leste nian ba Asean, uza didi’ak oportunidade ida ne’e atu husu pergunta barak ba diretora exekutvu ne’e, atu nune’e bele responde ba duvidas sira ne’e, liu-liu estudante sira ne’ebé sempre husu pergunta iha aula, tanba-sa mak Timor-Leste seidauk bele tama ba Asean", Sr. Luis.

Dekanu Fakuldade Ciénsia Sosiais e Humaniora, Dr. Fernado Dias Gusmão, S.IP.,M.AP. hatutan eventu ida ohin ba ita Fakuldade Ciénsia Sosiais e Humaniora, liu-liu Departamentu Relasaun Internasional, importante no oportunu teb-tebes, tanba ita sei rona diretamente husi autor sira ne’ebé maka durante ne’e hala’o hela servisu luta hela para oinsa ita bele sai membru asean.

"Alin sira hotu aproveita tempu ida ohin ho didi’ak, no rona didi’ak siada ita nia diretora jeral sei hato’o, hodi toma nota ba buat ruma ne’ebé imi seidauk komprende bele hato’o iha momentu sesaun perguta no resposta nian, lalikan lakon tempu aproveita tempu ida ne’e, tanba tempu mak osan mean para ita bele hetan informasaun ne’ebé utíl ba ita nia Fakuldade no Departamentu", Salienta Dr. Fernado.

Diretóra Geral ba Asuntu Asean (MNEC), Sra. Milena Rangel, akresenta, agradese ba UNPAZ bele komvida ami atu kontinua fahe informasaun ba públiku liu-liu ba estudante sira ba ita nia prosesu adezaun ba asean liu-liu iha tempu Covid-19 nia laran.

"Ohin ne’e oportunidade di’ak tebes atu partilia informasaun saida de’it maka Ministeriu Negosiu Estranjeiru hamutuk ho lina ministerial sira seluk hala’o hela ba ita nia prosesu Timor-Leste Adezaun ba Asean, ami sente kontente tanba iha tempu sira hanesan ne’e ami bele mai fahe informasaun ba estudante sira",tenik Sra. Milena.

Partesipa iha atividade refere husi, Pro- Reitór Asuntu Koperasaun Externa no Interna Sr. Luis Pereira Cardoso, Dip. Cs.,Lic. CSH.,MA.,Mcs, Dekanu Fakuldade Ciénsia Sosiais e Humaniora, Dr. Fernado Dias Gusmão, S.IP.,M.AP, ho Estrutura tomak, Diretóra Geral ba Asuntu Asean (MNEC), Sra. Milena Rangel, ho Ekipa, nomós Estudante sira hotu.