![ESTUDANTE HUSI FAKULDADE 6 KONTINUA EXAME BA LORON DARUAK Dili-Univeraidade da Paz (UNPAZ) nia estu](https://unpaz.tl/asset/foto_berita/168.jpg)
ESTUDANTE HUSI FAKULDADE 6 KONTINUA EXAME BA LORON DARUAK
Dili-Univeraidade da Paz (UNPAZ) nia estudante sira husi Fakuldade neen (6 ) hanesan Fakuldade Ekonomia, Direitu, Saúde Públika e Ciensia Medica, Ciensia Sosiais Humana, Enjeñaria no Teknologia Agrikola, ne'ebé kompostu husi semester 3-5 no 7 kontinua exame ba loron daruak nian, iha Kampus sentrál nomós Kampus B Liquisa, tuir Kalendariu Akadémiku 2023 (06/06/23).
Estudante Graziela Da Costa Guterres, huis Fakuldade CSH, Departamentu administrasaun Públika, Semester III, hateten exame horseik no ohin ami sente satisfas tebes, tanba tuir materia sira ne’ebé mak durante ami apriende husi dosente sira, ho ida ne’e hanesan estudante nafatin esforsu estuda atu nune’e bele exame ho di’ak.
“Hanesan estudante tenki kumpri regra ne’ebé hasai husi universidade, tanba ne’e nafatin ovedese ba regras, atu kumpri ita nia dever liu-liu ba iha pripinas 100%, nune’e ita mós bele iha direitu atu simu materia hotu”,dehan Estudante Graziela.
Iha fatin hanesan, Estudante Zecson Tilman Borges,huis Fakuldade Direitu Semester III, informa emprinsiu sente kontente, tanba exame hahú horseik no oin la’o ho di’ak, tuir kriteira universidade nian, maske iha proplema ituan ba materia sira, maibe exame la’o di’ak nafatin tuir kalendariu akadémiku UNPAZ nian.
“Hanesan estudante primeiru tenki halo revizaun ba materia sira nomós tenki estuda liu-liu materia sira ne’ebé mak espesifiku ba iha área direitu nian, seluk mós hanesan estudante ita mós tenki ovedese ba regras universidade nian, importantente mak ne’e, ita kumpri ita nia dever atu bele simu ita nia direitu”,tenik Estudante Zecson.
Sorin seluk, Estudante Ricardo Aguiar, Husi Fakuldade Ekonomia Departamentu Kontabilidade, Semester V, haktuir kalendariu akadémiku kada fulan neen ita sempre realiza exame final ba semester impar nian, tanba ne’e exame hahú horseik no ohin nian, ami sente exame la’o ho di’ak, bazeia ba materia sira ne’ebé mak dosente sira hanorin iha aula.
“Exame ida ne’e atu koko ami, oinsa mak ami hatene ona kona-ba materia sira ne’e, tanba exame final ida ne’e importante, atu bele sukat kapasidade ema ida-idak nian liu-liu ba iha siensia nian, maske ami seidauk preparasaun masimu, maibe ami sente ida ne’e sufisiente atu bele responde”,tenik Estudante Ricardo.
Aliende ne’e, Estudante Elizito das Neves Duarte husi Departamentu Teknolojia Prosesamentu Ai-han Semester 5, informa exame komesa horseik to’o ohin, exame la’o normal hanesan bai-bain, tanba ne’e exame la’os buat foun ba estudante, exame hanesan kultura ida husi universidade, ho ida ne’e hanesan estudante mós tenki prepara estuda molok hakat ba exame, tanba exame final importante tebes atu bele sukat koñesimentu estudante sira nian, ne’ebé durante apriende husi dosente sira iha aula.
“Hanesan estudante ita tenki kumpri regras hotu husi universidade, tanba ne’e ita iha direitu tomak atu mai eskola atu apriende husi ita nia manorin na’in sira, maibe ita mós tenki hatene kumrpi ita nia dever hanesan selu propinas, ida ne’e obrigatoriamente ba estudante sira hotu”,katak Estudante Elizito.
Parte seluk, Estudante Ermelinda da Silva M.V. Tilman husi FSPeCM Departamentu Nutrisaun Semester III esplika exame komesa horseik to’o ohin loron nian, exame la’o ho di’ak bazeia ba materia sira ne’ebé mak durante ne’e ami apriende husi dosente sira iha aula, tanba ne’e exame ida ne’e importante bebes ba estudante sira mak ne’e, hanesan estudante tenki estuda maka’as, para labele mosu kumfuzaun husi ita nia hanoin.
“Atu hatene ka lahatene, depende ba estudante ida-idak nia vontade, tanba hanesan estudante molok tama ba exame ha’u tenki estuda, nune’e fasil ba ha’u atu bele response saida mak akontese iha exame ne’e, tanba materia la ses husi saida mak durante ne’e apriende”,Estudante ne’e Subliña.
Entretantu iha exame final ne’e, ekipa komisaun sira nafatin halo monitorizasaun ba masimu tebes ba estudante sira iha Kmapus Sentra nomós Kmapus B Liquisa, hodi haree estudante sira ne’ebé mak seidauk kumpri nia dever.