#UNPAZ# 06 AGUSTU 2021
ESTUDANTE HUSI DEPARTAMENTU KONSERVASAUN REKURSU NATURAIS SEMESTER 4-6 SEI PRATIKA TERENU
Dili-Universidade da Paz (UNPAZ), liuhusi Fakuldade Teknologia Agrikola nia Departamentu Konservasaun Rekursu Naturais hala’o orientasaun bá estudante Semester 4-6 ne’ebé atu halo atividade pratika servisu iha terenu, kona-bá Konservasaun bá be’e, rai, no ai-horis sira.
Relasiona ho orientasaun iha aula FTA (06/08). Dosente Asistensia terenu, Sr. Julião Miguel, Lic Tec.Agr.,M.Agr. hateten pratika servisu terenu husi Departamentu Rekursu Naturais hala’o iha faze rua, primeiru faze no segundu faze, primeiru faze ne’e hala’o iha semester 4, segundu faze ne’e hala’o iha semester 6.
"Atividade pratika servisu terenu ne’e, oinsa lori estudante sira ligadu ho téoria ne’ebé durante sira aprende, sira bele aplika fali iha terenu, hodi hamutuk ho komunidade sira oinsa halo konservasaun bá ita nia rai ho be’e, no ai-horis sira",dehan Dosente Asistensia terenu, Sr. Julião.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
