ESTUDANTE HADOMI NATUREZA ESHANA UNPAZ, PARTISIPA IHA DOMINGO DA IV TEMPU KORESMA NIAN, IHA PAROKIA LETE- FOHO, KOTINUA KEDAN KUDA HO AI-OAN IHA CRITU LIU-RAI.
Universidade da Paz (UNPAZ) liu-husi estudante Hadomi Natureza ESHANA UNPAZ, partisipa iha misa Domingo ba dala IV tempu koresma nian, iha Parokia Lete-foho, kontinua kedan ho atividade kuda ai-oan iha Cristu Liu-Rai, 19/03/2023.
Omilia husi Amu Bigariu Parku Lete-foho, Rv. Amu Neto katak tinan ida ne'e Parokia Lete-foho ho tema "Eukaristia no Ekologia" ho ida ne'e, ami hato'o agradese wa'in ba estudante Hadomi Natureza ESHANA UNPAZ nian ne'ebé maka ho laran luak bele hakat mai to'o iha ami nia fatin hodi kuda mós ho ai-oan.
Sorin seluk hato'o mós husi Prezidente Pastoral Parokia Lete-foho nian, aumesmu tempu reprezenta mós, Amu Parku Lete-foho, Sr. Lius B. Soares katak, ami orgullu ho Maluk estudante sira husi UNPAZ nia prezensa iha misa ne'e nomós kuda ho ai-oan iha Cristu Liu-Rai, ne'e maka hatudu lolos ita bo'ot sira nia nia domin ba rai ida ne'e, no Povu ida ne'e, tanba ita Timor presija tebes kuda duni ai-oan para bele konserva rai ne'ebe maka halai.
Sorin seluk hato'o husi Xefe ekipa ESHANA Estudante Hadomi Natureza UNPAZ, Agostino Madeira, katak objetivu ba atividade kuda ai-oan ho partisipa ba misa ne'e atu selebra no hanoin hikas fali Dies Natalis UNPAZ nian ne'ebé maka foin liu dadaun ba.
Tema husi estudante Hadomi Natureza ESHANA UNPAZ, inklui mós Juventude Hadomi Natureza, katak ita fó ran turuk Ida salva ema barak nia Vida, e ita kuda ai hun ida salva ema barak nia moris,
hato'o husi Agostino.
Partisipa iha atividade ne'e Estudante Hadomi Natureza ESHANA UNPAZ, Juventude Hadomi Natureza, no Autoridade lokal, madre, inklui mós komandante eskuadra Lete-foho, hanesan mós alumi Unpaz.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
