ESTUDANTE FTA HALAO SERIMONIA ENSERAMENTU PROGRAMA ESTAJIU PRATIKA TERENU

#UNPAZ# 23 AGUSTU 2021

ESTUDANTE FTA HALA’O SERIMÓNIA ENSERAMENTU PROGRAMA ESTAJIU PRATIKA TERENU

Dili-Universidade da Paz (UNPAZ), nia Dekanu Fakuldade Teknologia Agrikola, Sr. Joni dos Santos, Lic. Tec. Agr.,M. Agr, hamutuk ho Diretór NGO Raebia TL, Ir. Xisto Martins, M. Egn. Agr,  hala’o serimónia enseramanetu programa estájiu pratika terenu, iha Kristu Rei (23/08).

Dekanu Fakuldade Teknologia Agrikola, Sr. Joni dos Santos, Lic. Tec. Agr.,M. Agr, hateten apresiasaun ba Diretór ne’ebé oferese makina behu batar no makina dulas hare, batar no kafe ba iha Fakuldade ida ne’e, hatutu lolo’os na’in ba instituisaun ne’e, maske knár bo’ot iha instuisaun seluk mais knua lahaluha.

"Lori Fakuldade nia naran no alin estudante sira, apresiasaun ba Diretór ho estrutura tomak ne’ebé fasilita ona fatin ba estudante sira hodi hala’o atividade, ita nia atividade la’os ida ne’e de’it maibe sei kontinua bei-beik", dehan dekanu FTA Sr. Joni.

Diretór NGO Raebia TL, Ir. Xisto Martins, M. Egn. Agr,  hatutan apresia ba alin sira durante semana rua dedika imi nia a’an iha fatin ida ne’e, fatin ida ne’e atu ita aprende ba malu, hodi hasa’e ita nia kapasidade, imi nia servisu durante ne’e, imi mós mai kontribui ona buat balu hanesan kuda ai-horis sira, imi mós bele sai na’in ba iha sentru ida ne’e.

Partesipa iha atividade ne’e, Dekanu Fakuldade Teknologia Agrikola, Sr. Joni dos Santos, Lic. Tec. Agr.,M. Agr, Diretór NGO Raebia TL, Ir. Xisto Martins, M. Egn. Agr, ho ekipa, Dosente orientadór sira, Komvidadus, no estajiádu/a sira.