ESTUDANTE FTA APREZENTA REJULTADU ESTAJIU PROFESIONAL

ESTUDANTE FTA APREZENTA REJULTADU ESTAJIU PROFESIONAL

Dili-Universidade da Paz (UNPAZ) nia estudante husi Fakuldade Teknologia Agrikola, aprejenta rezultadu estajiu professional ba iha orientadór, iha Aula FTA (01/09).

Dekanu Fakuldade Teknologia Agrikola, Sr. Jonio dos Santos, Lic.Tec. Agr.,M.Agr. hateten ohin ita fó ezame kona-ba estajiu professionál ninian ne’ebé maka tinan-tinan ita hala’o, depois estudante sira desloka ba iha terenu, kada orientadór ida-idak akompaña sira ba iha ne’eba depois hodi fó asistensia kona-ba sira-nia atividade pratika terenu nomós iha prosesu elaborasaun relatoriu sira nian, ita fó asistensia depois to’o ikus mai kunadu elabora ona sira-nia relatoriu ne’e loos ona entaun ita tama ona ba prosesu ida atu fó ezame.

Nia hatutan, ita tenki fó ezame duni tanba ida ne’e tama ba kurikulum hola parte iha semester, balu ninia semester par balu semester impar ne’ebé ba fakuldade teknika Agrikola ninia estájiu profisionál ne’e sempre monu ba iha semester par, tanba sira iha departamentu rua ne’ebé maka ida konservasaun rekursu naturais ninian iha semester IV ho VI tenki hala’o estájiu pratika profisionál no ba deprtamentu Alimentar ninian, depois semester VI sira halo estájiu profisionál, ne’ebé ohin ne’e sira grupu ne’ebé hetan orientasaun husi ha’u rasik ne’e kompleta ona sira-nia relatoriu e ohin ne’e determina ona tempu para sira ezame.

“Sira-nia rezultadu ne’ebé ohin sira apresenta ne’e la dehan katak, maximu ka minimu, maibe normalmente ita hatene katak, kondisaun ne’ebé hanesan estudante sira aprensenta embora sira-nia kekuranggan ka mais ida ne’e mak sai mós hanesan sasukat ba dosente, depois ita bele oinsa atu bele kualifika hadia sira-nia mentalidade, sira-nia koñesimentu sira-nia responsabilidade ba iha relatoriu wain hira sira halo, ne’ebé ida ne’e kuandu ita hetan sira-nia frakeza ida ne’e mós frakeza mós hanesan dosente nomós hanesan orientadór ne’ebé ita bele hadia ita nia aan, depois ita bele fó orientasaun maximu atu bele hetan kualifikasaun ne’ebé di’ak”,dehan Dekanu FTA.