ESTUDANTE FSPeCM UNPAZ 145 INISIATIVA HALO SOSIALIZASAUN MORAS AGUDU/IRA BA ESKOLA 2 IHA MANATUTU

ESTUDANTE FSPeCM UNPAZ 145 INISIATIVA HALO SOSIALIZASAUN MORAS AGUDU/IRA BA ESKOLA 2 IHA MANATUTU

Dili-Universidade da Paz (UNPAZ) nia estudante husi FSPeCM, Departamentu Epidemologia na'in atus ida haat nulu resin lima (145) ne'ebé kompostu husi semester 1,3 no 5 inisiativa halo sosializasaun kona-ba Moras Inspeksaun Respiratoriu Agudu/Ira ba iha eskola rua Tekniku Vocasional no SMA Kairala (17/05).

Dosente Januario Moniz Maia, Lic.SP.M., Kes. Hateten bazeia ba dadus ne'ebé mak ami hetan iha terenu, maibé tanba situasaun ida ne'ebé mak estudante enfrenta, ho ida ne'e mai hahú husi Manatutu, kreatividade ne'ebé hetan bazeia ba siensia ne'ebé mak estudante sira hetan, tanba ne'e estudante sira hakarak koko sira nia intelejensia no kbiit bazeia ba problema ne'ebé mak Timor hasoru.

Nia hatutan, ida ne'e mak husi estudante sira hateten, presiza ita atu ajuda governu hanesan sidadaun aban bairua dezenvolve programa Saúde liuliu kona-ba ba redus moras liuhusi asaun prevensau, ho ida ne'e mak estudante sira nia inisiativa rasik hodi organiza. Desizaun sira ne'e estudante sira foti hodi hala'o ba iha eskola mak hanesan, Tekniku Vocasional no SMA Kairala.

"Husi prezensa estudante sira nian ne'e motiva tebes Dosente barak iha Manatutu, sira hakarak kontinua sira nia estudu iha Universidade da Paz, inklui estudante sira mós kontente tebes hakarak kontinua mós estudu iha UNPAZ, tanba informasaun ida ne'e importante tebes ami bele fahe ba ami nia inan aman nomós familia sira ne'ebé mak besik",dehan Dosente Januario.