ESTUDANTE FSP UNPAZ NAIN 238 HALO PESKIZA PROBLEMA NUTRISAUN BA KOMUNIDADE SUKU SELOI KRAIK

ESTUDANTE FSP UNPAZ NA’IN 238 HALO PESKIZA PROBLEMA NUTRISAUN BA KOMUNIDADE SUKU SELOI KRAIK

Dili-Universidade da Paz (UNPAZ) nia estudante na’in atus rua tolu nulu resin ualu (238) husi Fakuldade Saúde Públika Departamentu Siénsia Nurisaun hala’o peskiza ba iha komunuidade sira kona-ba problema nutrisaun, iha Suku Seloi Kraik Postu Administrativu Aileu Vila (21/01) horseik.

Xefe Departamentu Siénsia Nurisaun FSP, Sr. Cipriano do Rosario Pacheco AMG, Lic. SP. M.Kes. hateten, objetivu lori estudante sira mai iha ne’e, atu halo sira nia prátika ita bolu, prátika vizita kampu hodi responde ba iha materia avaliasaun i nutrisaun ne'ebé mak ita apriende tiha ona iha aula, ohin sira mai iha ne'e ba hala'o entrevista ho komunidade sira no foti dadus sira kona-ba problema nutrisaun ne'ebé mak suku ida ne'e hasoru, peskiza ne'e, sei hala'o iha aldeia hitu iha Suku Seloi kraik.

Nia hatutan, faze ida ne'e remata, sei iha faze de analiza, husi ida ne'e ita sei halo rezumu nia rezultadu hafoin mak ita halo konsolidasaun hamutuk ho autoridade suku no estudante sira sei aprezenta iha departamentu ita sei elabora hamutuk mak ita sei halo relatoriu ba estudante sira liuhusi peskiza ne'ebé sira hala'o ona.

“Prátika ne'e importante ba estudante sira oinsa bele hasa'e sira nia kapasidade, koñesimentu no sira ninian badaen, oinsa indentifika no hasoru komunidade sira atu bele halo entrevista nomós define problema sira”,dehan Xefe Departamentu Siénsia Nurisaun FSP, Sr. Cipriano.

Xefe ne’e salienta, estudante sira ohin mai prátika iha ne'e, sira husi semester 5 ho total estudantes hamutuk 238 prátika iha tinan ne'e, hala'o iha Aileu liuliu iha aldeia hitu. Programa ida ne’e hala’o kada tinan, maibe fatin peskiza mak lahanesan.

Entretantu, estudante ne’ebé vizita ba iha komunidade ho total hamutuk (238) ne’ebé kompostu husi grupu hitu hodi dsloka ba Aldeia hitu mak hanesan, Aldeia Lio, Casamo, Raecoalefa, Coli Hoho, Talifurleo, Libraudo no Faulara. Hetan mós akompaña husi Dosente sira husi FSP-UNPAZ.