ESTUDANTE FSP HUSI GRUPU 2 APREZENTA RELATORIU PAK

#UNPAZ# 26 NOVEMBRU 2021
ESTUDANTE FSP HUSI GRUPU 2 APREZENTA RELATORIU PAK

Dil-Universidade da Paz (UNPAZ) nia Estudante husi Fakuldade Saúde Públika kompostu busi grupu segundu no terseiru aprezenta relatóriu Pratika Atividade Kampu (PAK), iha Munisipiu Liquisa Postu Administrativu Liquisa Suku Mau-Meta (25/11) horseik.

Dekanu Fakuldade Saúde Públika, Sr. Martinos Nahak Lino, AMKL.,Lic. SP.,MPA hateten, espera ho pratika atividade kampu ne’e, ita nia oan sira, ha’u sempre iha esperansa katak, formasaun ne’ebé ami fó ba sira sei bele garante sira nia futuru aban bainrua nian.

Pro Reitor Asuntu Koperasaun Interna no Externa, Sr Luis Pereira Cardoso.,Dip CS.,Lic.CSH.,MA.,Mcs. Ne’ebé reprezenta Magnifiku Reitór UNPAZ, hatutan, apresia tebes ho sira nia relatoriu ne’ebé kapas lo’os, ha’u sei intrega ba iha Magnifiku Reitór.

“Ita hakarak hasa’e kualidade tenki liuhusi prosesu sira hanesan ne’e, prosesu sira ne’e mak bele indika ba públiku katak, Universidade ne’e iha kualidade”,tenik Sr. Luis.

Xefe Suku Mau-Meta, Sr. Victor da Silva, Salienta, hakarak dehan de’it ba iha Universidade dezafiu sira ne’ebé durante sira hasoru iha fatin ne’e, labele halo para fali alin sira tuir mai Suku ne’e labele ba, maibe ami husu katak, dala ruma grupu ida mai hasoru problema, grupu ida seluk mai dala ruma oin seluk ona, ho buat sira ne’e hotu ita sei hadia.

"Ba oin ami husu katak, ami iha ne’e prontu nafatin simu universidade atu hala’o atividade sira, se alin sira nia dadus la kompletu ami prontu atu fasilita hodi kompleta imi nia materia ne’ebé iha", haktuir Sr. Victor.

Xefe do grupu, Sra. Anjela Soares Pinto, agradese ba Xefe do Suku Mau-Meta ho Estrura tomak, nomós Juventude sira ne’ebé iha fuan bo’ot bele kolobora ho ami iha fatin ida ne’e, agrdese mós ba komunidade sira hotu ne’ebé durante ne’e simu ami hodi hala’o atividade, agradese ba parte hotu ne’ebé la temi ida ba ida, agradese ba UNPAZ, liu-liu Fakuldade Saúde Públika.

Partisipa iha atividade refere, Dekanu Fakuldade Saúde Públika, Sr. Martinos Nahak Lino, AMKL.,Lic. SP.,MPA, ho Estrutura, Pro Reitor Asuntu Koperasaun Interna no Externa, Sr Luis Pereira Cardoso.,Dip CS.,Lic.CSH.,MA.,Mcs. Xefe Suku Mau-Meta, Sr. Victor da Silva, Salienta, ho Estrutura, Sekretariu Munisipiu, Administrador Postu Bazartete,Diretor PNDS, Reprezentante JICA, no reprezentante University Nagoya, Komvidadus, inklui Estudante sira.