#UNPAZ# 20 OUTUBRU 2021
ESTUDANTE FSP 177 BA HALA’O ATIVIDAE PRATIKA KAMPU IHA MUNISIPIU LIQUISA
Dili-Universidade da Paz (UNPAZ), liuhusi Fakuldade Saúde Públika nia estudante atus ida hitu nulu resin hitu (177), ne’ebé sei hala’o atividade pratika kampu iha Munisipiu Liquisa durante Fulan ida Semana rua.
Relasiona ho abertura ba programa pratika aprendisajen kampu, iha Salaun José Kasimeiru UNPAZ, (20/10), Dekanu Fakuldade Saúdfe Públika, Sr. Martinus Nahak Lino, A.MKI.,Lic.SP.,M.Ap. hateten, hus Fakuldade ami fiar oan sira takat ita hotu-hotu iha ona bokae husi semester ida to’o semester neen, imi nia hanoin luan on abele organiza a’an no grupu bele organiza mós komunidade.
"Mensagen ba estudante sira, tenki hatudu kor Universidade da Paz ho Fakuldade Saúde Públika, no hatudu komportamentu matenek iha eskola no matenek iha sosiedade, nomós komunikasaun tenki di’ak husi Xefe Alddeia to’o Prezidente Autorirade, no koidadu a’an nafatin atu partesipa iha aktividadee ne’e to’o nia rohan",tenik Dekanu FSP.
Nia hatutan, ida ne’e hanesan pratika kampu la’os estudante de’it mak esforsu a’an, maibe oinsa imi atu organiza partesipasaun komunidade ba iha aktividade hotu-hotu ne’ebé imi hala’o iha terenu.
Partesipa iha atividade refere, Dekanu Fakuldade Saúdfe Públika, Sr. Martinus Nahak Lino, A.MKI.,Lic.SP.,M.Ap. ho Estrutura tomak husi Fakuldade Saúde Públika, nomós Estudante sira.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
