ESTUDANTE FCSH PARTISIPA APREZENTASAUN KULTURAL HUSI INDIA

ESTUDANTE FCSH PARTISIPA APREZENTASAUN KULTURAL HUSI INDIA

Dili-Universidsade da Paz (UNPAZ) nia estudante husi Fakuldade Siensia Sosias Humana (FCSH) Departamentu Relasaun Internasional partisipa iha aprezentasaun Kultura husi Grupu Goa Folk Mando Mogi Margao ne’ebé organiza husi Embaixada India kopera ho Secretario Estado Arte no Cultura Ministerio Negosio Estrangeiro no koperasaun ho Embaixada India iha Jakarta, iha Aula Multifunsaun FSPeCM (17/02) horseik.

Vise Reitor Asuntu Akadémiku, Sr. Joaninho Xavier Hei, Lic CSH.,M.Ed, hateten embaixada India iha Jakarta sira nia programa ida halai liu ba iha kultura nian, maibe involve mós timor, no programa sira ne’ebé relevante ho timor nian mak kultura, ho Secretario Estado Arte no Cultura no iha programa barak halai liu ba iha kulktura nomós bolseiru ba timor ona sir aba iha ne’eba halai liu ba iha kultura nian.

“Sira mós mai timor hakarak hatudu sira nia kultura, no iha feze ida ne’e sdira hili UNPAZ mak sai hanesan fatin ida ne’ebé mak sira sei hatudu nia dansa kultura, liuliu ba fakuldade ne’ebé mak relevante liu CSH, liuliu ba iha relasaun internasional, oinsa estudante sira bele hatene no loke mós sira nia hanoin”,tenik Nia.

Vise ne’e, salienta durante ne’e ita haree sira filme, maibe ohin sira hatudu diretamente dansa kultura iha UNPAZ, ida ne’e vantazen bo’ot ida, ita mós husu reprezentante sira, ba oin bele hanesan fontes hodi kopera hamutuk India.

Iha fatin hanesan, Assesor Nsional Secretario Estado Arte no Cultura, Sr. Ozorio Leque, hateten Iha delegasaun grupu kultural ida mai husi Goa/ G2 India sira halo vizita ne’e, hanesan balasan, tanba foin lalais iha fulan Dezembru iha ita nia grupu kultural ida naran lejival sira ba partisipa iha festival kultural iha Jefonia Goan India, ne’ebé husi grupu kultural india nian, sira mai fali hanesan balasan interkanbiu kultural.

Nia relata, atividade ne’e organiza entre embaixada india iha Jakarta ho servisu hamutuk ho secretario Estado arte kultural, kordenasaun mós ho Ministerio Negósio Estrangeiro, tinan kotuk ho tinan ne’e governu india fó apoiu ba grupu timor oan, delegasaun rua: delegasaun dahuluk hamutuk sira 12, Delegasaun Segundu iha fevreiru hamutuk sira 17, agora dadaun sira sei iha sidade surachkun agora dadaun sira sei iha kultural bo’ot ida iha ne’eba. Timor oan sanulu resin hitu sei iha ne’eba, sira sei fila iha dia 20. Ita ho governu india halo koperasaun di’ak, haruka ita nia grupu kultural sira ba liur governu india mak selu.

“Ohin realiza ida ne’e hanesan atividade Seminár kultural nian sira mai apresenta sira nia dansa, no sira esplika sira nia sinopsistidu para hametin tan ita nia relasaun. Semana kotuk ami survei fatin sira hili UNPAZ hodi realizasaun atividade ida ne’e, hodi hametin ita nia relasaun entre nasaun rua ne’e la’o di’ak, ida ne’e mós kuandu ita nia relasaun rai rua ne’e lao d’ak, hanesan foin lalais ne’e ita nia timor oan sira lori sira nia produtu lokal ba fan iha india”,dehan Sr. Ozorio.

Nia klarifika, tuir informasaun ne’ebé ami rona katak sira ba fa’an iha ne’eba laku ka folin tebes. Entaun alienmde promove ita nia kulturais sira mós hanesan bele folin iha rai liur ka iha india, hatudu katak ita promove ita nia kultura liu husi produtu sira. Nune’e mós la’os ita de’it mak ba promove ita nia kultura iha rai liur, maibe ho sira mós bele mai promove sira nia kultura iha ita nia rai laran, ida ne’e mak sentidu koperasaun katak, ne’e mós iha área kultura nian.

Fontes ne’e informa, foin lalais Embaixador india ba Jakarta ho timor-leste mai hasoru malu ho ita nia governante sira, sira mós oferese sira nia bolsu estudu ba ita nia timor oan, agora bolsu estudu ne’e timor oan sira la foti entaun Indonesia mak foti, liuhusi koperasaun ne’e ita konese malu di’ak liu tan no timor bele aproveita oportunidade ne’ebe mak iha,

Grupu sira ne’ebé mak ba iha Dezembru, grupu lejival 12 pessoas sira ba iha ne’eba loron 10 iha festival kultural Jefonia nian. Segundu iha fulan ida ne’e delegasaun 17 pessoas ba tan ne’e iha grupu timor furak iha 11 pessoas, arte moris haruka na’in ida, kor timor haruka nain ida, kor timor haruka sira nia ema ida ne’e reprensenta kultural ne’ebé venda produtu kulturais sira, Arte moris ida ne’ebé pinta, kultura atauro haruka ida, grupu human haruka empreza di’ak nain ida, ho tan fundasaun alola haruka soru na’in ida hisu Oecuse, ne’ebé hamutuk sira na’in 17 agora dadaun iha, sira sei fila iha dia 20. Alende ba halo apresentasaun kultural sira mós lori ho produtu ne’ebé mak timor oan sira halo ba fan ida ne’eba, Nia Hakotu.

Partisipa iha atividade ne’e, Vise Reitor Asuntu Akadémiku, Sr. Joaninho Xavier Hei, Lic CSH.,M.Ed, Assesor Nsional Secretario Estado Arte no Cultura, Sr. Ozorio Leque, ho Grupu Dansa Kultura husi India, estudante sira FCSH, Departamentu Relasaun Internasional.