![ESTUDANTE FAKULDADE ENJENARIA EXAME DURANTE SEMANA IDA LAO HO DIAK](https://unpaz.tl/asset/foto_berita/1413.jpg)
ESTUDANTE FAKULDADE ENJEÑARIA EXAME DURANTE SEMANA IDA LA'O HO DI'AK
Dili-Univeraidade da Paz (UNPAZ) nia estudante Asternito M. P. Pinto husi Dep. Industria semester V. Hateten katak durante ami exame semana ida nia laran ne'e la'o ho di'ak, husi segunda-Feira exame loron primeira nian ami balu la konsege tuir exame tanba iha balun ne'ebé seidauk kompleta sira nia osan ba propinas semester nian, entaun sira seidauk bele tuir exame, maibé loron tuir fali mai, ami exame la'o ho di'ak to'o ohin loron ikus nian.
Nia hatutan, depois semana ida ne'e nia laran kolega ida mak la partisipa, tanba nia moras entaun nia la tuir exame, maibé se karik nia bele tuir fali exame remedial iha dia 12-17 nian.
"Ami Kontenti tanba exame ne'ebé ami tuir durante semana ida nia laran ne'e fasil, tanba matéria sira ne'ebé durante ne'e ami aprende iha aula laran mak sai duni ba exame, e nomós exame ne'e mak hanesan atu teste ami nia hanoin no komprendesaun liu husi materia sira ne'ebé durante ami aprende ne'e. Entaun exame ida ne'e ami konsidera fasil, tanba durante ne'e ami aprende tiha ona husi Dosente sira", tenik husi estudante Asternito, iha Kampus B UNPAZ Liquisa (10/06/23).
Entretantu ekipa komisaun Organizadóra ba programa exame final, nafatin halo monitorizasaun iha Kampus sentrál nomós Kampus B Unpaz Liquisa.