ESTUDANTE FAKULDADE DIREITU UNPAZ REALIZA DISKUSAUN VIOLENSIA DOMESTIKA

ESTUDANTE FAKULDADE DIREITU UNPAZ REALIZA DISKUSAUN VIOLÉNSIA DOMÉSTIKA

Dili-Universiadde da Paz (UNPAZ) liuhusi senadu estudante fakuldade direitu realiza atividade diskusaun violénsia doméstika, hodi rona estudante sira nia prespetiva estudante sira nian kona-ba violénisa doméstika iha sosiedade, realiza iha Salaun José Kasimiru (18/04).

Senadu Interinu Fakuldade Direitu UNPAZ, Nilton José Vicentino, iha nia parte husu ba estudante sira atu hala’o diskusaun ho espiritu estudante nian, nune’e bele hatene problema ne’ebé mak akontese iha ita nia sosiedade liu-liu problema kona-ba violénsia doméstika.

“Hau haksolok tebes ho programa ida ne’e prinsipál atividade ida ne’e realiza, tanba kontribuisaun husi parte sira ne’ebé suporta atividade ida ne’e nomós estudantil universidade no senadu fakuldade direitu ninian. Maibé importante ba imi sira ne’ebé mai diskusaun ne’e, imi iha vontade espiritu estudanate nian ne’ebé di’ak atu hala’o diskusaun no realiza atividade ida ne’e”, dehan Nilton.

Iha fatin hanesan, Efrem Nariz Pinto, nu’udar senadu jerál UNPAZ salienta, programa diskusaun ida ne’e oinsá atu promove ita-nia aan iha siénsia oioin liu-liu oinsá atu fó ita-nia prespetiva kona-ba problema sosiál hotu-hotu ne’ebé ita nia sosiedade hasoru.

“Kampus nu’udar fatin diskusaun ba teória siénsia no filosófia atu haree ba ida ne’e mak, ohin loron ita kria diskusaun liuhusi fakuldade direitu nomós fakuldade sira seluk hodi haree ba situasaun real ne’ebé mak iha nomós oinsá ita buka solusaun ba tópiku Violésaun doméstika iha Timor-Leste”,tenik Senadu Geral UNPAZ.

Entretantu konkorenstes sira ne’ebé partisipa iha diskusaun violénisa doméstika ne’e, estudante smester 3 husi Fakuldade Direitu UNPAZ, nomós hetan partisipasaun husi sivitas akadémiku universidade da paz.