ESTUDANTE EXTENSAUN FSPCM NA\'IN 51 SEI HALA\'O PAK II NO III DURANTE FULAN IDA RESIN IHA LIKISA

ESTUDANTE EXTENSAUN FSPCM NA'IN 51 SEI HALA'O PAK II NO III DURANTE FULAN IDA RESIN IHA LIKISA

Dili-Universidsde da Paz (UNPAZ) nia estudante extensaun husi Fakuldade Saúde Públika e Ciensia Medica, na'in lima nulu resin ida (51) ne'ebé kompostu husi departamentu neen, sei hala'o Pratika Aprendizajen Kampu (PAK) segundu no terseiru durante fulan ida semana rua, iha Aldeia Mauluto, Suku Mota-Ulun, Postu Administrativu Bazartete, Munisípiu Liquisa, (28/06/24).

Xefe Suku Mota-Ulun, Sr. Francisco Soares, hato'o agradese ba ita boot sira hotu, tanba iha fulan kotuk liu ba ita boot sira mai ona, durante semana rua, maibé ida agora ne'e fulan ida resin, espera ita boot sira sei partilla informasaun kona-ba saúde nian, ne'ebé ita boot sira hetan iha Universidade, hodi fahe fali ba iha komunidade sira iha Suku Mota Ulun.

Iha fatin hanesan, Dekanu FSPeCM, Sr. Cipriano do R Pacheco, AMG. Lic. SP.,M. Kes. Agradese ba Maromak, tanba akompaña ona prosesu sira ne'e, ohin ita mai to'o ona iha fatin Pratika nian ho di'ak, hodi implementa ita boot sira-nia atividade pratika iha kampu ba etapa segundo no terseiru nian.

"Ita bo'ot sira mai agora ne'e hela kleur iha ne'e, hodi implementa ita boot sira-nia atividade durante fulan ida semana rua, no ba sira ne'ebé maka karik moras hela nafatin halo tratamentu, no ba sira ne'ebé maka servisu nafatin, partisipa iha atividade ne'e iha loron sabadu no domingu. Ba oin ita se halo exchange students no sei lori estudante no dosente sira husi Poltekes ne'e mai vizita ita nia atividade ne'e, hodi halo servisu sosiais/pengabdian ba komunidade, Programa ne'e, ita sei halo boot, liu husi intervensaun Malnutrisaun, Saude Reprodutiva nsst",dehan Dekanu FSPCM.

Nia relata, atividade intervensaun liuhusi promosaun saúde no edukasaun saúde ne'e, ita la foka de'it ba iha Aldeia Mauluto, maibe ita kobre mos aldeia rua seluk hanesan aldeia Classo, Motaikun, no Estudante sira iha escola primario to'o sekundario iha Suku Motaulun.

Sorin seluk, Vise Dekanu Asuntu Estudantil FSPeCM, Sr. Santiago Jorge Pereira, Lic. SP.,MPH. esplika, Atividade ida ne’e, hanesan atividade kontinuasaun ba iha atividade Pak primeiru nian ne’ebé durante semana rua rekolla ona dadus no identifika ona problema saúde komunidade nian. Agora kontinua ba etapa II no III nian, bazeia ba dadus ne’ebé mak hetan ona iha PAK primeiru nian, agora sira mai implementa/halo asaun, bazeia ba dadus ne’ebé foti iha etapa primeiru nian.

"Agradese ba nai xefe suku no xefe aldeia ne’ebé ona ami nia estudante sira, ne’ebé sei hala’o atividade durante fulan ida semana rua. Tanba ne'e ita sira sei halo atividade intervensaun, sosializasaun ba promosaun saúde ba iha eskola primaria sira nomós ba komunidade sira, atu bele hasa’e koñesimentu ema hotu nian",tenik.