ESTUDANTE ESTENSIA FAKULDADE DIREITU HALO SIMULASAUN PRATIKA LEGAL
Dili-Universidade da Paz (UNPAZ) liuhusi Dosente Marçal Mascarenhas, SH. (Cand Mestradu Direitu) realiza simulasaun ba estudante semester VI husi fakuldade direitu kona-ba prátika legál, tanba antes ne’e apriende ona teória iha aula maka tenki iha mós prátika, nune’e bele eleva estudante sira nia koñesimentu no abilidade iha prosesu julgamentu nian, iha Aula Direitu (24/07) horseik.
Dosente ne’e esplika, estudante sira nia prátika ida ne’e, hanesan matéria prátika legál ida ne’ebé, depois de sira estuda tiha prosesu penál, maka sira mai atu halo simulasaun kona-ba prátika sira ne’ebé, hahú husi investigasaun, akuzasaun nomós tama to’o juramentu ka desizaun ne’ebé ohin ita asisite.
“Hahalok ne’ebé ohin sira implementa iha ne’e, bazeia ba matéria ne’ebé sira estuda ona iha teória, ho ida ne’e mak sira mai halo prátika, atu bele hatene di’ak liután buat ne’ebé sira estuda antes ona iha aula”,dehan Dosente.
Nia hatutan, antes sira tama mai ih prátika ida ne’e antes ne’e sira estuda ona prosesu penál kona-ba hahalok krime sira ne’ebé mak akontese, no investigasaun polisial nomós seluk tán.
Iha fatin hanesan, Estudante Fakuldade Direitu Gerdrudes Abedita Pereira, Semester VI dehan, ami kontente tebes, tanba durante ita akompaña kazu balun no estuda kona-ba lei sira, maibé ami lahatene prosesu julgamentu , maibé ho matéria ida prátika legál ne’e, ami bele hatene papél ministériu públiku nian, papél defensór prokuradór, nomós juis sira nian, oinsá mak ita bele identifika no ke kazu ida atu hatene nia rezultadu, no ita bele hatene kazu ne’ebé nia halo ne’e kontra artigu hira no husi lei ida ne’ebé nian.
“Matéria prátika ne’e importante tebes mai ami atu halo, dala ruma universidade sira seluk la implementa prátika hanesan ami hala’o dadaun ne’e, ho ida ne’e ami kontente tebes ho esperiénsia sira ne’e, ami mós hetan atutorizasaun husi ami nia dosente sira atu bele akompaña kazu sira iha tribunál, molok ami hakat mai iha prátika ida ne’e, nune’e ami bele hatene prosesu julgamentu sira”,tenik Estudante Gerdrudes.
Partisipa iha prátika legál ne’e, Doswnte Marçal Mascarenhas, SH. (Cand Mestradu Direitu) ho Estudante Esténsia sira husi Fakuldade Direitu.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
