ESTUDANTE ESTAJIADU SIRA NAFATIN HALA’O SERVISU IHA AREADORES UNPAZ
Dili-Universidade da Paz (UNPAZ) nia estudante estájiadu/a ne’ebé hala’o programa estájiu/ servisu sosial iha kampus sentral, nafatin hala’o atividade tuir grupu ida-idak nian ne’ebé deside ona tuir orientadór sira, iha Kampus UNPAZ Dili (29/03).
Dosente Orientadór, Sra. Cezaltinha da Costa Morreira, ST.,MT. hateten hanesan ekipa supervizaun, nafatin kolabora ho estudante sira ne’ebé hala’o servisu iha kampus sentral ida ne’e, nune’e bele hala’o atividade tuir grpu ida-idak nian ne’ebé ita fahe ona.
“Atividade estajiu ida ne’e, material prepara husi estudante sira, maibe suporta mós husi universidade ba iha programa estajiu tinan ida ne’e nian”,dehan Dosente Orientadór, Sra. Cezaltinha.
Sorin seluk, reprezenta Estajiadu/a, Aderito J.S. Gonsalvel, husi Fakuldade Teknologia Agrikola, hatete, Atividade jeral iha kampus semtral nian ne’ebé ami hala’o liu-liu iha ami nia grupu hamutuk (45) ne’ebé sei responsabiliza kona-ba drainage, material sira prepara husi ami nomós universidade.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
