ESTUDANTE ENFERMAGEM UNPAZ HALO SIMULASAUN IHA ATIVIDADE FEIRA ENSINU SUPERIOR

ESTUDANTE ENFERMAGEM UNPAZ HALO SIMULASAUN IHA ATIVIDADE FEIRA ENSINU SUPERIOR

Dili-Universidade da Paz (UNPAZ) nia Estudante Fakuldade Saúde Públika e Ciensia Medica (FSPeCM) Departamentu Enfermagem Semester II, halo simulasaun pratika kona-ba Resusitasaun, iha Atividade Feira Ensinu Superior ho Tama “Promove Instituisaun Ensinu Superior Iha Timor-Leste”, ne’ebé organiza husi ANAAA,I.P. Iha Infordepe-Rua Balide Dili, Timor-Leste (24/11).

Dosente Departamentu enfermagem, Francisco Borges, hateten ohin simulasaun husi estudante enfermagem UNPAZ halo kona-ba Resusitasaun, ne’e fó apoiu ba kompresaun hirus matan no apoiu ba Vintilasaun ba pasiente/ema ne’ebé mak wi’in hira lakon konsiente lasadar monu/desmaia lasadar, sira-nia fuan la bomba ona no sira ladada is ho normal.

Nia esplika, buat rua importante ida mak ita dehan, kompresaun hirus matan, atu bele serkula ran husi isin lolon ba ita nia kakutak, segundu ita fó apoiu ba vintilasaun anin no terseiru maka sira soke uza makina ba iha pasiente, bainhira ita atu mate, ita nia fuan ne’e normalmente nia ritma ne’e la normal, ita presiza soke para ita nia fuan nia ritmu ne’e bele sai normal fila fali.

“Ohin departamentu enfermagem hakarak intrudes pratika ida ne’e, para ema hotu-hotu bele iha koñesimentu, oinsa mak bele identifika pasiente nomós cipiar, oinsa mak bele kontaktu ba Ambulansia, para bele fó atendimentu mais abansadu. Hanesan dosente UNPA sente kontente, tanba estudante barak iha antuzsiazmu hakarak atu aprende, tanba ne’e ita presiza iha estabeles liña estudantil sira, para sira bele fahe esperiensia ba malu, hanesan dosente iha dever para atu reforsa sira”,dehan Dosente Francisco.

Tuir observasaun média nian iha terenu nota katak, iha simulasaun estudante husi Deparamentu enfermagem hala’o ne’e, hetan partisipa husi, Diretor Ezekutivu ANAAA,I.P. Dr. Nilton Diamantino Paiva Mau, Ph.D, aumesmu tempu hato’o parabens ba Estudante Enfermagem UNPAZ, nune’e nomós Estudante sira husi Instituisaun sira barak mak, antusiazmu tebes, pratika hamutuk ho Estudante Enfermagem UNPAZ no hetan akompaña husi Dosente Enfermagem, Francisco Borges, Febriana Soares De Araujo, no Hermiana E. Tobi.

Reprezenta UNPAZ partisipa iha atividade Feira ne'e, Estudante Fakuldade Saúde Públika e Ciensia Medica, Estudante Fakuldade Ekonomia nomós Estudante Fakuldade Enjeñaria, inklui Estudante husi Ensinu Superiór Sira hotu iha Timor-Leste.