ESTUDANTE DEPARTAMENTU SIENSIA NUTRISAUN FSPeCM-UNPAZ REALIZA LASU AMIZADE

ESTUDANTE DEPARTAMENTU SIENSIA NUTRISAUN FSPeCM-UNPAZ REALIZA LASU AMIZADE

Dili-Universidade da Paz (UNPAZ) nia estudante husi Fakuldade Saúde Públika e Ciensia Medica (FSPeCM) hala’o serimónia lasu Amizade siensia nturisaun ba tinan akadémiku 2023, ho objetivu atu hametin relasaun ne’ebé di’ak entre dosente ho estudante sira, iha Salaun Katedral (24/06/23).

Dekanu FSPeCM, Dr. Martinus Nahak Lino, AMKL.,Lic. SP.M.,AP.,M.SP. esplika atividade lasu amizade importante tebes ba imi hotu, iha departamentu siensia nutrisaun, tanba ne’e lasu amizade hanesan kultura ida ne’ebé universidade hatur ona, nomós ba iha fakuldade sira, ho ida ne’e hansan aman ida iha fakuldade nafatin hadomi oan sira, tanba ne’e oan sira mós tenki rona ami no la’o tuir orientasaunb ne’ebé mak iha.

“Imi hotu presiza tau ambiente ida ne’ebé mak di’ak no kapa’as ho ida ne’e imi hotu presiza kria relasaun ne’ebé mak di’ak iha universidade da paz, tanba ne’e tenki hadomi nomós fakuldade, hodi asegura naran di’ak ne’ebé universidade iha no fakuldade iha, ho ida ne’e domin ba imi hotu mak tenki estuda-estuda”, dehan Dekanu FSPeCM.

Iha fatin hanesan, Xefe Departamentu Siénsia NutrisaunSr. Cipriano do R. Pacheco, AMG, Lic. SP. Kes. agradese ba Xefe departamentu 6 seluk ne’ebé hola parte iha lasu amizade ida ne’e, nune’e bele hametin di’ak liu tán atividade lasu amizade ida ne’e, agradee mós ba komisasuan sira hotu ne’ebé organiza atividade ida ne’e ho di’ak, tanba ne’e atividade lasu amizade hanesan kultura ida iha universidade nomós fakuldade ba iha departamentu sira.

Nia hatutan, atividade lasu amizade ida ne’e, la’os departamentu nutrisaun nian de’it, maibe ba ita hotu iha FSPeCM, tanba ne’e atividade lasu amizade nu’udar atividade regular ne’ebé mak kria no forma ona iha universidade.

“Agradese ba Dekanu FSPeCM, ne’ebé hatur ona ha’u sai hanesan xefe departamentu siensia nutrisaun, ho ida ne’e ha’u komprimetidu atu bele hala’o tuir orden ne’ebé mak iha”,tenik Xefe departamentu Siensia Nutrisaun.

Partisipa iha seimónia lasu amizade FSPeCM. Dekanu FSPeCM, Dr. Martinus Nahak Lino, AMKL.,Lic. SP.M.,AP.,M.SP. Xefe Departamentu Siénsia NutrisaunSr. Cipriano do R. Pacheco, AMG, Lic. SP. Kes. ho dosentes, inklui estudante sira hotu iha FSPeCM-UNPAZ.