ESTUDANTE DEPARTAMENTU RELASAUN INTERNASIONAL SIMULASAUN MODELU NASAUN UNIDAS

ESTUDANTE DEPARTAMENTU RELASAUN INTERNASIONAL SIMULASAUN MODELU NASAUN UNIDAS

Dili, 30 Abril 2025 - Universidade da Paz (UNPAZ) nia Estudante husi Departamentu Relasaun Internasional, realiza simulasaun ho modelu nasaun unidas nian, ho tema “Addressing the Impacts of Climate Change and Advocating for Access to Climate Finance”, ne’ebé organiza husi g7+ hamutuk FCSH-UNPAZ no hetan apoiu husi Governu Australia, ne'ebé halao Iha Aula Prof. Dr. Lucas da Costa.

Embaixador Australia ba Timor-Leste, Mr. Edward Wilkinson hateten ami orgullu ho servisu hamutuk ho ita bo’ot sira, hodi apoiu edukasaun, dialogu no empoderamentu ba foinsa’e sira iha Timor-Leste, tanba ne’e Estudante sira maka sai prinsipal ba eventu oin mai, ho ida ne’e ami kontente ho ita bo’ot sira-nia partisipasaun iha diskusaun no debate modelu nasaun unidas nian, ne’ebé imi nia koriozidade, komprimisiu no vontade atu involve iha asuntu global sira ne’ebé kompleksu no empresionante tebes.

“Imi reprezenta jerasaun líder ba futuru, maibe jerasaun futuru diplomata, hodi sai ema ne’ebé kria dame no sai sidadaun global, diplomasia la’os buat ida fasil, maibe presiza pasensia no empatia hanoin no estratejiku liliu vontade atu rona”,dehan Embaixador Australia.

Nia dehan, konseitu modelu nasaun unidas nian la’os de’it simulasaun maka oportunidade atu dezenvolve hanoin kritiku nomós kompriede prespektiva oi-oin no hadia abilidade komunikasaun no negosiasaun nian, dezafia ita bo’ot sira nia asunsaun rasik kona-bá mundu.

Sorin seluk Sekretariu Jerál g7+ Dr. Helder da Costa, hateten ita hamutuk ho UNPAZ nomós Embaixador Australia, organiza atividade simulasaun iha Diskusaun ida ne’e, oinsa fó biban no fó oportunidade ba estudante sira liuliu ba Estudante relasaun internasional ne’ebé iha esperiensia kona-ba debate no argumentu inklui aprezentasaun iha forum iha g7+ nian tanba importante tebes bele fó koñesementu no abilidade iha esperiensia.

“Espera ativiadde ida ne’e Estudante sira bele iha koñesimentu kona-bá lala’ok nasaun unidas nian, oinsa bele halo debate iha forum ba andamentu multilaterais, nune’e bele fó biban ba estudante sira bele iha esperiensia, tanba ne’e estudante sira tenki partisipa masimu atu lé barak no analiza , nune’e bele ko’alia no artikula iha koñesimentu di’ak ba futuru jerasaun foun nian”,dehan Nia.

Líder ne’e hato’o parabens ba UNPAZ no governu Australia liuhusi embaixada Australia ne'ebé apoiu atividade ida ne’e, hodi fó biban ba Estudante sira atu prepara an liuliu ita atu tama ba asean.

Nia akresenta liu tan katak, Timor-Leste tenki prepara an di’ak liu tan liuhusi debate, komferensia, nune’e estudante sira bele iha kapasidade atu fiar an ko’alia ho voa-artekulasaun entermus de ideias no vizionariu no globais atu bele kompete iha rezionais asean ne’ebé ita atu tama.

Iha fatin hanesan, Vise reitor Programa Mestradu no Doutoramentu, Dr. Martinus Nahak Lino, AMKL, Lic. SP.,MAP.,M.SP. ne’ebé reprezenta Magnífiku reitór, reafirma atividade ida ne’e importante tebes ba estudante sira, tanba oras ne’e dadauk iha progresu bo’ot tebes ne’ebé lidera husi Primeiru Ministru Xanana Gusmão ho Sekretariu Geral g7+, Dr. Helder da Costa, ne’ebé koñesidu hanesan diplomata Timor Oan ne’ebé matenek tebes iha área ida ne’e.

“UNPAZ hanesan parte akadémiku ida iha Timor-Leste, ami orgullu tebes ho servisu g7+ nian, tanba husi ami akademiku nia haree iha progresu bo’ot tebes ne’ebé foin dadauk liuhusi eventu importante ne’ebé konvida nasaun sira mai Timor-Leste, oinsa atu servisu hamutuk ba futuru ne’ebé di’ak liu, tanba ne’e ami iha esperansa atu prepara ami nia estudante hodi hatan ba progresu mundial nomós nasional nian”,katak Vise Programa Mestradu no Doutoramentu.

Aleinde ne’e, Dekanu FCSH, Dr. Fernado Dias Gusmão, S.IP.,M.AP. reforsa, hato’o agradese ba g7+ husi governu inklui governu Australia liuhusi embaixada Australia ba Timor-Leste ba realizasaun ba programa ida ne’e, tanba ne’e hanesan dever Universidade nian oinsa prepara estudante sira lá'os ba kontestu teoria de'it, maibe tenki kompriende no hatene iha pratika sira.

“Modelu nasaun unidas hanesan oportunidade ida para estudante sira tenki apriende hanesan mós nasaun sira seluk halo komferensia internasional sira, nasaun sira sai membru, tanba materia modelu nasaun unidas sai ona kurikulum ba departamentu relasaun internasional iha FCSH ho ida ne’e maka tenki realiza simulasaun ida modelu nasaun unidas nian ba estudante sira”tenik Dekanu FCSH.

Entertantu iha simulasaun ne’e, estudante ne'ebé maka partisipa hamutuk haat nulu (40), kompostu husi nasaun rua nulu (20), partisipa iha simulasaun Modelu nasaun Unidas ne'e maka hanesan, Embaixador Australia ba Timor-Leste, Mr. Edward Wilkinson. Ho ekipa. Sekretariu Geral g7+ Dr. Helder da Costa. Ho komitiva tomak, Vise reitor Programa Mestradu no Doutoramentu, Dr. Martinus Nahak Lino, AMKL, Lic. SP.,MAP.,M.SP. Dekanu FCSH, Dr. Fernado Dias Gusmão, S.IP.,M.AP. Xefe Departamentu Relasaun Internasional inklui estudante sira.