ESTUDANTE DEPARTAMENTU ENJEÑARIA SIVIL NA'IN 21 PRATIKA PRODUSAUN BETON
Dili-Universidade da Paz (UNPAZ) nia Estudante Semester IV husi Fakuldade Enjeñaria, Departamentu Enjeñaria Sivil na'in rua nulu resin ida (21) ne'ebé kompostu husi klase rua, hanesan Covalima no Raeoa, halo prátika produsaun "Beton"iha Kampus Liquisa (12/01/2024).
Dosente, Odilia Belija Do Carmo Araújo, Lic.Tec. hateten Objetivu husi prátika ida ne'e, atu hasa'e estudante sira-nia koñesimentu liu-liu iha área tekniku nian, tanba bai-bain estudante sira aprende ona teoria, agora sira tenki prátika, oinsá atu halo beton ida ne'ebé mak tuir nia estandar.
"Estudante sira ne'ebé agora prátika kompostu husi estudante klase rua, hanesan Covalima no Raeoa, durante ne'e sira aprende ona teoria, agora sira tenki prátika, nune'e bele aumenta sira-nia koñesimentu iha área produsaun beton nian",dehan Dosente Odilia.
Nia esplika, Prosesu ne'ebé atu halo beton maka, primeiru sira tenki prepara, hanesan sosa material no prepara ekipamentus prátika sira, hafoin sira bele tama ba iha prátika produsaun beton nian, depois de prátika ne'e remata, sei kontinua ba teste sampel iha Laboratórium, nune'e bele hatene kona-ba nia kualidade tuir estandar ne'ebé iha.
Iha fatin hanesan, Estudante, Denciana pereira Goncalves, agradese ba Dosente sira bele lori ona ami mai prátika, tanba matéria ne'ebé mak ami hetan iha aula, ohin loron ami bele tama ba iha prátika nian, liu-liu kona-ba beton, atu tes kualidade beton nian, maka primeiru ita tenki prepara materia no ekipamentus sira, hafoin ita bele prátika ba produsaun beton nian.
"Ami sente kontente tebes, bele prátika kona-ba halo beton nian, tanba teoria iha aula aprende, maibé fasil liu mak ita tenki prátika, nune'e ita bele hatene di'ak liu tan, tanba ita haree ho matan kaer ho liman, ne'ebé susar ita atu haluha",tenki Estudante Densiana.
Entretantu atividade prátika husi estudante Fakuldade Enjeñaria Departamentu Enjeñaria Sivil, akompaña husi Dosente: Odilia Belija Do Carmo Araújo, Lic.Tec. Elias Deolindo, Lic.Tec
no Canossa de Araújo Lopes, Lic.Tec. inklui Estudante sira husi klase rua Covalima no Raeoa.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
