ESTUDANTE DEPARTAMENTU ENFERMAGEN NA

ESTUDANTE DEPARTAMENTU ENFERMAGEN NA'IN 51 SEI HALO PRATIKA IHA SERVISU SAÚDE KOMUNITARIA LIQUISA

Dili-Universidade da Paz (UNPAZ) nia estudante husi Departamentu Enfermagen Fakuldade Saúde Públika e Ciensia Medica na'in lima nulu resin ida (51), sei hala'o atividade prátika iha servisu saúde komunitaria, Liquisa Villa, Bazartete no Maubara durante fulan ida Semana rua, iha Munisípiu Liquisa (29/08/24).

Xefe Servisu Saúde Komunitaria Bazartete, sente kontenete no orgullu tebes, tanba pela primeira ves, UNPAZ nia estudante mai hala’o atividade pratika iha sentru saúde ida ne’e, tanbe ne’e, husu ba estudante sira atu hala’o tuir regra ne’ebé mak sentru saúde komunitaria iha, maibe ami mós sei halo kordenasaun ho autoridade lokal sira, atu bele tau matan mós ba estudante sira durante fulan ida semana rua iha ne’e, ho ida ne’e ami garante katak estudante sira sei seguru iha fatin ida ne’e to’o sira fila.

Iha fatin hanesan, Xefe Suku Fatumassi Postu Administrativu Bazartete, Sr. Elizário Freitas hato’o benvindu ba estudante sira-nia prejensa iha sentru saúde bazartete, hodi hala’o atividade pratika, ita sei servisu hamutuk durante fulan ida semana rua atu bele halo netik buat ruma iha servisu saúde komunitaria bazartete.

Iha deslokasaun estudante sira ne’e, kada servisu saúde komunitaria estudante, Liquisa Vila 17, Bazartete 17 no Maubara 17, totál lima nulu resin ida (51), ne'ebé sei hala'o atividade prátika durante fulan ida Semana rua iha Munisípiu Liquisa.

Entretantu entrega estudante ba Xefe Sentru Saúde Maubara, ne’ebé simu diretamente husi CI Clinical , Xefe Sentru Saúde no Responssavel Uma Na’in, inklui entrega mós estudante sira ba iha Servisu Komunitaria Liquisa Vila. nomós entrega ba Bazartete, ne’ebé simu direta husi Xefe Sentru Saúde Komunitaria nomós Xefe Suku, iha Postu Administrativu Bazartete Suku Fatumassi Munísiu Liquisa.

Iha deslokasaun estudante sira ba iha Munísipiu Liquisa ne’e, akompaña husi Dosente Orientadór sira kada grupu ida-idak nian.