ESTUDANTE BSIS NO EPIDEMOLOJIA HALO SOSIALIZASAUN PROGRAMA ESTUDU BA ESTUDANTE SEKUNDARIU SIRA IHA M

ESTUDANTE BSIS NO EPIDEMOLOJIA HALO SOSIALIZASAUN PROGRAMA ESTUDU BA ESTUDANTE SEKUNDARIU SIRA IHA MUNISÍPIU ERMERA

Ermera-Segunda 30 de Setembru 2024 Universidade da Paz (UNPAZ) liuhusi Estutnate Departamentu Biostatistika Sistema Informasaun Saúde no Epidemolojia akompaña mós ho Dosente sira halo sosializasaun ba Eskola Sekundaria sira ne'ebé mak eziste iha Munisípiu Ermera, nune'e estudante sira bele iha koñesimentu naton ba programa estudu sira ne'ebé eziste FSPeCM.

Reprezenta Dretor Escola Nino Coni Santana Gleno, Adjunta Sra. Julieta Mascarinhas Ximenes, L.AP. hateten ami husi Escola Secundariu Nino Coni Sanata, ami nia estudante ho numeru ne'ebé mak aas tebes, tanba ne'e, ami prontu koopera ho Universidade atu mai partilla nafatin infromasaun kona-ba programa estudu sira kada Fakukdade nomós espesifiku ba departamentu sira, oinsa estunate sira bele iha koñesimentu ituan molok sira hakat ba banku universidade.

“Iha tinan ida ne'e, ami nia estudante ho total 800 ital, tanba ne'e ami garante katak, depois de sira finaliza estudu iha nivel sekundariu sira barak sei asesu ba iha Universidade da Paz, tanba UNPAZ hanesan mós instituisaun akadémiku privadu ida ne'ebé koñesidu mós iha Timor-Leste, ho ida agradede ba ekipa ne'ebé mai fahe ona informasaun ba ami nia estutnate sira”,dehan Adjunta Escola Nino Coni Sanata Gleno.

Iha sorin seluk, Adjuntu Eskola Sekundaria Tecnica Vocasional Ernesto Fernandes ''DUDO'' Gleno-Ermera, agradede ba estudante sira ne'ebé mai fahe ona informasaun ligadu ho programa estudu sira iha Universidade da Paz liuliu Programa estudu iha FSPeCM espesifiku ba iha Departamentu Biostatistika no Epidemolojia.

Adjunta ne'e mós husu ba Universidade ba oin se bele fakuldade sira ne'ebé mak eziste iha UNPAZ kada ekipa bele mai hotu, atu bele esplika kada programa estudu sira hotu ba ami nia estudnate sira hotu, tanba pela primeira-ves UNPAZ mai halo sosializa informasaun iha eskola ida ne'e.