ESTUDANTE BOLSEIRUS UNPAZ VISTA MUZEUM BERLIN

ESTUDANTE BOLSEIRUS UNPAZ VISTA MUZEUM BERLIN

Dili-Universidade da Paz (UNPAZ) nia estundantes Bolseirus ne'ebé Selesionadu iha Programa Erasmus+Change horseik hahu halo viajen hosi sidade Marburg iha loron Tersa 06-12-2022 ba sidade Berlin ho objetivu atu vijita fatin istoriku no mozeum nasional sira, iha sidade Berlin (07/12) horseik.

Iha loron kuarta (07-12-2022) Estudantes nain ne'en(6) hamutuk ho Profesor Felix ne'ebé Lídera Materia "Peace and Conflict in Europe and beyond" no Estudantes sira seluk hosi España, Ukrainia Japaun halo Vizita ba Muzeum nasionál no Palasiu Parlamentu Alemaña nian iha Sidade Berlin.

Vijita ida ne’e, hanesan programa espesifiku ida ne’ebé inkluzivamente iha programa estudu komparativu iha Alemañia. tanba ne’e, vijita Berlin ne’e konsidera hanesan oportunidade ba daruak nian ne’ebé aplika ekivale ba prosesu hotu tuir mai.

Objectivu hosi Vizita ida ne'e, hanesan privileziu ida ba estudantes sira hosi Nasaun ne'ebé diferente hodi buka hatene no aprende kona-ba Istoria Nasaun Alemaña nian durante loron rua nia laran.

Oportunidade di'ak ida ne'ebé estudantes sira aprende kona-ba Istoria oin-oin relasiona ho Nasaun kolonizadu sira mak Hanesan Nigeria, Africa, Portugal, Papua new guinea Fiji, no Nasaun seluk tan, alende ne’e aprende mós Sistema boa Governasaun ne'ebé implementa iha rai Alemaña.

Ami sente supreja no admira iha ami nia prezensa iha museum refere tanba la’ós de’it ami aprende kona ba istoria no kultura Alemaña nian maibé iha sorin seluk ami mós aprende kona ba historia no kultura oi-oin husi nasaun sira ne’ebé uluk hetan kolonia husi Nasaun Alemaña.

Bolseiru sira ne’e sujera ba estudante finalista sekundariu sira atu labele lakon oportunidade hodi mai aprende iha UNPAZ.

“Ami husu estudante finalista sekundariu sira atu lalika lakon oportunidade aprende iha UNPAZ , liu-liu iha fakuldade Siensia Sosiais no Umanas no espesifikamente iha departamentu Relasaun Internasional no Estudu da Paz tanba departamentu rau ne’e favoralvel tebes hodi oferese estudu komparativu iha rai Alemaña bazea ba koperasaun ne’ebé halo ona entre Universidade da Paz ho Phillipps Marburg University,”.