ESTUDANTE 840 PARTISIPA DIALOGU IHA UNPAZ

ESTUDANTE 840 PARTISIPA DIALOGU IHA UNPAZ

Dili-Universidade da Paz (UNPAZ) realiza seminariu ho tema jeral “Transformasaun Mentalidade Jerasaun Milenial iha Konstrusaun Estadu Direitu Demokratiku”ho objetivu dialogu ida ne’e núdar parte ida ba ita hotu ne’ebé iha interese bo’ot kona-ba asuntu trasformasaun mentalidade jerasaun Milenial, iha Salaun José Kasimiru (25/02).

Magnifiku Reitór Universidade da Paz, Dr. Adolmando Soares Amaral, Lic. Eco.,MM. hateten, ohin ita realiza dialogu ida, oinsa ita bele fahe hanoin sira ne’e ba ita nia joventude Milineal sira ne’e bele komprende kona-ba konseitu Paz.

“UNPAZ nia pozisaun ne’e, naran Paz, oinsa ita bele lori ita nia joventude sira Milineal sira ne’e bele komprende kona-ba konseitu Paz, no transforma sira nia mentalidade para sira bele afirma sira nia estatutu hanesan estudante universidade”,tenik Reitór.

Nia hatutan, Sai estudante tenki hatene Aman, Oan no Esperitu Santu, ita bo’ot sira tau ida ne’e sai hanesan sentru ba ita bo’ot sira, saida de’it mak ita bo’ot sira halo iha ita bo’ot sira nia kareira, nia objetivu ita bo’ot sira sei atinji.

Aliende ne’e, Eng. Mariano Assanami Sabino, klarifika, atividade ida ohin ita halo dialogu liu-liu kona-ba, oinsa transformasaun joven Milineal iha prosesu konstrusau estadu, tanba estadu direitu demokratiku ne’e importante lo’os ba joven Milineal, oinsa transformasaun rai ida ne’e labele lakon nia kompetativu ho rai sira ne’e iha ita nia sorin-sorin.

“Joven ne’e mak futuru ita nian, investimentu husi joven husi dimensaun haat, Fiziku Mental, Espiritual, Intelektual, ne’e importante tebes atu lori rai ne’e ba oin, obra asu-wain ida ne’e tenke mantein kontinua ho jerasaun asu-wain haat ne’ebé ohin temi, hodi hametin joven ida forsa la’o ba oin”,haktuir Nia.

Partisipa iha atividade refere, Magnifiku Reitór Universidade da Paz, Dr. Adolmando Soares Amaral, Lic. Eco.,MM. Eng. Mariano Assanami Sabino, Estrutura tomak kompostu husi Dekanu sira, Xefe Departamentu no Diretór Unidade/a Unidade sira, Vice Reitor, Dosente, Funsionariu, inklui Estudante UNTL, UNITAL,IOB,UNDIL, UNPAZ, nomós sivitas akadémiku sira hotu.