#UNPAZ# 03 AGUSTU 2021
ESTUDANTE 257 HUSI FAKULDADE EKONOMIA ABERTURA BÁ ESTÁJIU PROFISIONÁL
Dili-Universidade da Paz (UNPAZ), liuhusi Fakuldade Ekonomia hala’o abertura bá estudante ho totál atus rua lima nulu resin hitu (257), ne’ebé atu hala’o atividade estájiu profisionál, iha Salaun José Casimeiru (03/08).
Dekanu Fakuldade Ekonomia, Dr. Alexandre de Sousa Guteres, Lic. Eco.,MM. hateten, Fakuldade Ekonomia semester 6 tuir kurikulum ne’ebé iha, tenki tama bá atividade ida magam/estájiu, ida ne’e sai hanesan profisionais ida ne’ebé estudante sira tenki halo.
Nia hatutan, atividade estájiu bai-bain fulan ida, maibe tanbá ita nia situasaun covid-19, entau ami desidi estájiu durante semana rua de’it iha instituisaun sira, tantu iha instituisaun governu no privadu.
"Atividade magan/ estájiu ne’e importante tebes, husi estájiu profisionál ne’e bele haforsa tán sira nia koñesementu iha fatin instituisaun ne’ebé sira hala’o atividade", dehan Dr. Alexandre.
Iha abertura bá estájiu profisionál ne’e partesipa husi, Dekanu Fakuldade Ekonomia, Dr. Alexandre de Sousa Guteres, Lic. Eco.,MM. ho Estrura tomak, inklui Estajiádu/a sira.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
