ESTUDANTE 250 PARTISPA SEMINARIU PUBLIC SPEAKING

ESTUDANTE 250 PARTISPA SEMINARIU PUBLIC SPEAKING

Dili-Universidade da Paz (UNPAZ) nia Estudante Atus rua Lima nulu (250) partisipa iha seiminariu Public Speaking, ne’ebé fasilita husi Embaixada Indonesia Timor-Leste, iha Salaun Jose Kasimiru (12/09).

Magnífiku Reitór Universidade da Paz, Dr. Adolmando Soares amral, Lic. Eco.,MM. hateten Public Speaking ne’e, atu aijuda ita boot sira, atu muda mentalidade no etika, bainhira atu halo komunikasaun ho sese de’it, tantu kolega, dosente nomós sese de’it mak ita boot sira atu hasoru. ita nia formadór ema ne’ebé esperiensia boot ba formasaun Public Speaking, ho ida ne’e husu ba ita bo'ot na’in hira ne’ebé partisipa atu aproveita ho di’ak, tanba oportunidade hanesan ne’e susar tebes ema atu hetan.

“Favor boot ba imi na’in iha ne’ebé tur iha ne’e, akonpaña to'o remata, universidade sei atribui sertifikadu ba ita bo'ot sira, no sertifikadu ne’e sei ajuda tebes ita boot sira bainhira termina estudu iha UNPAZ, enkuantu ita bo'ot sira buka servisu sertifikadu ne’e bele aijuda tbes ita bo'ot sira. Husu ba estudante sira atu aproveita di’ak, kapasita ita bo'ot sira nia aan, la’os iha siensia no teknologia de’it, maibe iha Public Speaking mós importante lo'os ba ita bo'ot sira.”,dehan Reitór.

Lider Masimu ne’e realsa, Formasaun sira hanesan ne’e universidade sei nafatin organiza la’os de’it ba iha Public Speaking de’it, maibe iha tempu sira tuir mai, ita husu tan ba embaixada Indonesia atu fó tan formasaun lideransa, tanba ne’e aproveita oportunidade ho di’ak

Reprezenta embaixador Indonesia Sr. Sunan Ally, hatete katak husi parte embaixador nian, mai fo formasaun ida ne’e hodi hasae tan avilidade no eskil estudante sira nian, liu-husi formasaun publik speaking, oinsa estudante sira atu halo kominikasaun ho ema seluk, no oinsa estudante sira bele hamrik iha oin hodi ko'alia ba ema barak.

Iha formasaun ida ne’e foka liu ba área kapasidade estudante sira, nomós mentalidade estudante sira nian, formador ne’ebe maka orsida atu fó formasaun ba alin estudante sira, Sr. Don da Costa ne’e ema ida ke iha esperensia koanaba public speaking nian durante tinan 20 ona, nomós nia hanesan MC, é agora dadaun nia asumi hela kn’ae hanesan kepolisian embaixada Indonesia nian iha Dili, neduni hau lori Sr. embaixador nian naran husu ba alin estudante sira atu aprovita oportunidade ne’e ho diak par abele aprende buat ne’ebé maka formador orsida atu partilia nia esperensia ba imi.

Entretantu partisipa iha semináriu ne'e, Magnífiku Reitór Universidade da Paz, Dr. Adolmando Soares amral, Lic. Eco.,MM. Vise Reitór Asuntu Akadémiku, Pro-Reitor DRH, Reprezenta embaixador Indonesia Sr. Sunan Ally, Ho ekipa tomak, Inklui Funsionariu nomós Estudante sira.