ESTUDANTE 177 ABERTURA BA ATIVIDADE PARTIKA APRENDISAJEN IHA KAMPU

#UNPAZ# 08 SETEMBRU 2021

ESTUDANTE 177 ABERTURA BA ATIVIDADE PARTIKA APRENDISAJEN IHA KAMPU

Dili-Universidade da Paz (UNPAZ) liuhusi Fakuldade Saúde Públika hala’o abertura ba atividade Pratika Aprendisajen Kampu (PAK) ba etapa segunu no terseiru, ba estudante Semester VI, ho total estudante atus ida hitu nulu rein hitu (177), ne’ebé sei realiza pratika iha Munisipiu Liquisa durante Fulan ida Semana rua.

Relasiona ho abertura ba programa Pratika Aprendisaje Kampu, iha Aula Saúde Públika (08/10). Dekanu Fakuldade Saúde Públika, Sr . Martinus Nahak Lino, A. MKI.,Lic. SP.,M.AP. hateten, ita nia atividade Pratika Aprendisajen Kampu (PAK) ba etapa primeiru hotu ona, no agora ba iha etapa segundu ho terseiru nian iha Fulan ida ne’e tuir kalendariu akadémiku.

"Atividade ne’e obrigatoriu estudante hotu-hotu tenki tuir Pratika Aprendisajen Kampu (PAK), ne’e konseitu ida uluk kedas, hahú husi mestre sira eskola iha ema nia rai sempre halo atividade ida ne’e, ida ne’e la’os buat foun, ida ne’e mestre sira kontinua de’it lisaun ida ne’e, para depois estudante bele iha esperiensia barak iha kampu", haktuir Dekanu Fakuldade Saúde Públika, Sr . Martinus.

Aliende ne’e, Vice Dekanu Asuntu Estudantil FSP, Sr. Santiago Jorge Pereira, Lic. SP.,MPH. hatutan palestra ne’e hala’o durante loron rua, ohin fó husi estrutura Fakuldade no Xefe Departamentu sira, no palestra ba loron aban nian fó husi Parseiru sira hanesan, WaterAid, AROMD-TL,JUPSELA inklui Dosente Orientador sira.